मत्ती 12:22 - Halbi

²² तेबे लोग गोटक काना-कोंदा के जेचो थाने दुष्टआत्मा रली, हुनचो लगे आनला; आउर हुन हुनके चेंगा करलो, आउर हुन कोंदा बोलुक आउर दकुक मुरयालो।

परमेस्वर को सच्चो वचन ख जाननू

²² तब इंसान हुन एक अंधो-गूँगो ख जेमा भूत-प्रेत हतो, यीसु को जोने लाया; अऊर ओ ना ओखा अच्छो करियो, अऊर उ गूँगा बोलन अऊर देखन लग गयो।

मत्ती 12:22 ပူးပေါင်းရင်းမြစ်များ

मत्ती 4:24

आउर सपाय सीरिया देश ने हुनचो किरती फयलुन गेली; आउर लोग सपाय बेमारीमन के, जोन नाना परकार चो बेमारमन आउर दुखमन ने पडु रवत, आउर जोनमन ने दुष्टआत्मामन रली आउर बापुर बितामन आउर लकवा चो रोगाहामन के हुनचो लगे आनला आउर हुन हुनमन के चेंगा करलो।

मरकुस 3:11

अशुद्ध आत्मामन बले, जिदलदाय हुनके दकते रवत, तेबे हुनचो पुरे घसरते पड़ते रवत, आउर चिचयाऊन भाती बोलते रवत कि तुय माहापुरू चो बेटा आस;

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

2 थिस्सलुनीकियो 2:9

हुन अधरमी चो ऐतोर शयतान चो काम चो अनुसार सपाय परकार चो फंदी सामरत, आउर चिना, आउर भयंकर काम चो संगे,