मत्ती 11:21 - Halbi

²¹ “हाय, खुराजीन! हाय, बैतसैदा! जोन सामरत चो काम तुमचो थाने करा गेली, अगर हुनमन सूर आउर सयदा ने करा जाति, तेबे टाट ओडून भाती, आउर लाकड़ी ने बोसुन भाती हुनमन केबे मन फिराऊ रता।

परमेस्वर को सच्चो वचन ख जाननू

²¹ यीसु न कय्हो, धितकार तोखा, खुराजीन! धितकार तोखा बैतसैदा! जो सामर्थ्य को काम तोमा करिया गया रहा हैं, अदि वी सूर अर सैदा म किया जाता, ते बोरा टाट ओढ़ ख, अर राँक म बैठ ख वी कब का मन फिरा लेता।

मत्ती 11:21 ပူးပေါင်းရင်းမြစ်များ

मत्ती 11:22

मान्तर मय तुमचो ले बलें सें कि नियाय चो दिने तुमचो हालत ले सूर आउर सयदा चो हालत जादा कटलातो लायक होयदे।

मत्ती 15:21

ईशु हुता ले निकरून भाती, सूर आउर सयदा चो परदेश चो बाटे गेलो।

मत्ती 18:7

ठोकरनामन चो लागुन जगत उपरे हाय! ठोकरनामन चो लगतोर जरूरी आय; मान्तर हाय हुन माने चो उपरे जेचो लागुन ठोकरना लगु आय।

मत्ती 26:24

माने चो बेटा तो जसन हुनचो बारे ने लिकलोर आसे, जाऊ ची आय; मान्तर हुन माने चो काजे दुख आय जेचो दुवारा माने चो बेटा धराया जाये से: अगर हुन माने चो जनम नी होती, तेबे हुनचो काजे अच्छा होती।”

मरकुस 3:8

आउर यहूदीया, आउर यरूशलेम, आउर इदूमिया, आउर यरदन चो हुनपाट, आउर सूर आउर सयदा चो लगे-लगे ले गोटक बड़े भीड़ ऐ सुनुन भाती कि हुन कसन अकचकित चो कामकरू आय, हुनचो लगे ईला।

मरकुस 6:45

तेबे हुन तुरते आपलो चेलामन के ड़ोंगा थाने चेगतो काजे हट करलो कि हुनमन हुनचो ले पयले हुनपाट बैतसैदा ने जाओत, जिदलदाय ले कि हुन लोगमन के बिदा करो।

मरकुस 7:24

फेर ईशु हुता ले उठून भाती सूर आउर सयदा चो देशमन ने ईलो; आउर गोटक घर ने गेलो आउर चाहते रलो कि कोनी नी जानोत; मान्तर हुन लुकुक नी सकलो।

मरकुस 7:31

फेर ईशु सूर आउर सयदा चो देशमन ले निकरून भाती दिकापुलिस देश ले होते गलील चो झील थाने अमरलो।

मरकुस 8:22

हुनमन बैतसैदा ने ईला; आउर लोग गोटक काना के हुनचो लगे धरून आनला आउर हुनचो ले गुहारला कि हुनके छिंवो।

लूका 4:26

मान्तर एलिया हुनमन ले काचीई लगे नी पटाया गेलो, मात्र सयदा चो सारफत ने गोटक रान्डी चो लगे गेलो।

लूका 6:17

तेबे हुन हुनमन चो संगे उतरून भाती समान जगा ने उबा होलो, आउर हुनचो चेलामन चो बड़े भीड़, आउर सपाय यहूदिया, यरूशलेम, आउर सूर आउर सयदा चो समुन्द चो कटा ले खुबे लोग,

लूका 9:10

फेर पठालोबितामन बाहडून भाती जोन काई हुनमन करला, हुनके सांगला; आउर हुन हुनमन के अलग करून बैतसैदा नाव चो नंगर घाई निलो।

यूहन्ना 1:44

फिलिप्पुस, अन्द्रियास आउर पतरस चो नंगर बैतसैदा चो रतो बिता रये।

यूहन्ना 12:21

हुनमन गलील चो बैतसैदा चो रऊ बिता फिलिप्पुस चो लगे ऐऊन भाती हुनचो ले गुहार करला, “श्रीमान, आमी ईशु ले भेट करूक लाय चाहाऊं से।”

प्रेरितो 12:20

हेरोदेस सूर आउर सयदा चो लोगमन ले खुबे हरिक नी रलो। ऐईकाजे हुनमन गोटक मन होऊन भाती हुनचो लगे ईला, आउर बलास्तुस के जोन राजा चो गोटक करमचारी रलो, मानाऊन भाती मिलुक लाय चाह लो; कसनबल्लोने राजा चो देश ले हुनमन चो देश चो पालन पोषन होते रली।

प्रेरितो 27:3

दुसर दिने आमी सयदा ने लंगर डाललु, आउर यूलियुस पौलुस उपरे किरपा करून हुनके मीतमन थाने जाऊक दिलो कि हुनचो मान करा जाओ।

यहूदा 1:11

हुनमन उपरे हाय! कसनबल्लोने हुनमन कैन चो असन चाल चलला, आउर भुती चो काजे बिलाम चो असन नसुन गेला से, आउर कोरह चो असन बिरूद करून नशला सोत।

प्रकाशितवाक्य 11:3

मय आपलो दुय गोहईमन के ऐ अधिकार देयेंदे कि टाट ओड़ी होऊन एक हजार दुय सव साठ दिन ले अगम गोठ करोत।

प्रकाशितवाक्य 6:12

जिदलदाय हुन छठवां सील खोललो, तेबे मय दकले कि गोटक बड़े भूकम होली, आउर बेर कामरा चो असन करया आउर पुरा जोन लऊ चो असन होऊन गेली।