मत्ती 11:11 - Halbi

¹¹ “मय तुमचो ले सते बलेंसे कि जोन बायले लेकीमन ले जनमला सोत, हुनमन थानले यूहन्ना डूबन देतो बिता ले कोनी बड़े नी होला; मान्तर जोन सरग चो राज ने नानी ले नानी आय हुन हुनचो ले बड़े आय।

परमेस्वर को सच्चो वचन ख जाननू

¹¹ मी तुम से सच कहूँ हैं, कि जे बाई चारा हुन से से पैदा भया हैं, ओमा से यूहन्ना बपतिस्मा देन वालो से कोई बड़ो नी भयो। फिर भी, पर जो स्वर्ग ख राज म सबसे छोटो हैं, उ यूहन्ना से बड़ो हैं।

मत्ती 11:11 ပူးပေါင်းရင်းမြစ်များ

मत्ती 11:10

ऐ हुनी आय, जेचो बारे ने लिकलोर आसे, ‘दक, मय आपलो दूत के तुचो पुरे पटायेंसे, जोन तुचो पुरे तुचो बाट तिआर करेदे।’

मत्ती 11:12

यूहन्ना डूबन देतो बिता चो दिनमन ले ऐबे तक सरग चो राज ने ताकत संगे ओलते रला सोत, आउर ताकत बिता हुनके झिकुन धरे सोत।

मत्ती 3:1

कितलो बरकमन चो पाचे यूहन्ना डूबन देतो बिता ऐऊन भाती यहूदिया परदेश चो छिड़ा जगा ने ऐ परचार करूक मुरयालो:

मत्ती 3:11

“मय तो पानी ले तुमके मन फिराव चो डूबन देयेंसे, मान्तर जोन मोचो पाचे ऐतो बिता आय, हुन मोचो ले आगर शक्तिशाली आय; मय हुनचो पनही उठातोर लायक नुआय, हुन तुमके पवितर आत्मा आउर आईग ले डूबन देयदे।

मत्ती 5:19

ऐईकाजे जोन कोनी ऐ नानी ले नानी हुकुममन थानले कोनी गोटक के टुटादे, आउर असने ची लोगमन के सिकायदे, हुन सरग चो राज ने सपाय ले नानी बलाया जायेदे; मान्तर जोन कोनी हुन हुकुममन चो पालन करेदे आउर हुनके सिकायदे, हुनी सरग चो राज ने माहान बलाया जायदे।

लूका 1:15

कसनबल्लोने हुन परबु चो पुरे माहान होये दे; आउर दाखरस आउर मंद केबीई नी पिये; आउर आपलो आया चो गरब ले ची पवितर आत्मा ले समपूरन होऊन जायेदे;

लूका 7:28

“मय तुमचो ले बलें सें कि जोन बायले लेकीमन ले जनमला सोत, हुनमन ले यूहन्ना ले बड़े कोनी निआत मान्तर जोन माहापुरू चो राज ने नानी ले नानी आय, हुन हुनचो ले बले बड़े आय।”

लूका 9:48

आउर हुनमन ले बल्लो, “जोन कोनी मोचो नाव ले ऐ लेका के गरहन करू आय, हुन मोके गरहन करू आय; आउर जोन कोनी मोके गरहन करू आय, हुन मोचो पठालोबिता के गरहन करू आय, कसनबल्लोने जोन तुमीमन ने सपाय ले नानी ले नानी आय, हुनी बड़े आय।”

यूहन्ना 1:15

यूहन्ना हुनचो बारे ने गोहई दिलो, आउर चिचयाऊन भाती बल्लो, “ऐ हुनी आय, जेचो बारे ने मय बरनन करले कि जोन मोचो पाचे ऐये से, हुन मोचो ले बडुन भाती आय, कसनबल्लोने हुन मोचो ले पयले रये।”

यूहन्ना 1:27

बल्लोने मोचो पाचे ऐतो बिता आय, जेचो पनही चो बांदन के मय निकरातोर लायक नुआय।”

यूहन्ना 10:41

खुबे असन लोग हुनचो लगे ऐऊन भाती बोलते रवत, “यूहन्ना तो काई चिना नी दकालो, मान्तर जोन काई यूहन्ना ऐचो बारे ने बोलु रलो, हुन सपाय सत रली।”

यूहन्ना 3:30

जरूरी आय कि हुन बाड़ो आउर मय घटे।”

यूहन्ना 5:35

हुन तो जरतो आउर बरतो बिती दीया रये, आउर तुमके खिन्डिक बेरा तक हुनचो उजर ने मतभुल होतोर अच्छा लागली।

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

1 कुरिन्थियो 15:9

कसनबल्लोने मय पठालोबितामन ने सपाय ले नानी आंय, मान्तर पठालोबिता बलाय जातोर लायक बले नुआय, कसनबल्लोने मय माहापुरू चो कलीसिया के कन्दराऊन रलें।

1 कुरिन्थियो 6:4

अगर तुमके जगत चो गोठमन चो फयसला करतोर होओ, तेबे काय हुनीमन के बसाआ से जोन कलीसिया ने काई नी समजा जाओत?

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

इब्रानियो 11:40

कसनबल्लोने माहापुरू आमचो काजे पयले ले गोटक बड़ीया गोठ ठेबालो, कि हुनमन आमचो बिना सिद्धता के नी पहुँचोत।

1 पतरस 1:10

ऐई मुक्ति चो बारे ने हुन अगम गिआनीमन खुबे खोज बीन आउर जाच-पड़ताल करला, जोनमन हुन अनुग्रह चो बारे ने जोन तुमचो उपरे होतो बिती रये, अगम गोठ करू रवत।