मत्ती 10:41 - Halbi

⁴¹ जोन अगम गिआनी के अगम गिआनी जानुन भाती गरहन करो, हुन अगम गिआनी चो पलटा पायदे; आउर जोन धरमी के धरमी जानुन भाती गरहन करो, हुन धरमी चो पलटा पायदे।

परमेस्वर को सच्चो वचन ख जाननू

⁴¹ जे जोतिस ख भविस्यवक्ता मान ख ग्रहण करा हैं, वी भविस्यवक्ता हुन को बदला मिले; अऊर जे धर्मी ख धर्मी समझ ख स्वीकारा करा, वी धर्मी को बदला मिले।

मत्ती 10:41 ပူးပေါင်းရင်းမြစ်များ

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 25:44

“तेबे हुनमन जबाप देदे, ‘हे परबु, आमी तुके केबे भूके, नाहले पिआश, नाहले परदेशी, नाहले बिन फटीई, नाहले बेमार, नाहले जयलघर ने दकलु, आउर तुचो सेवा शासन नी करलु?’

मत्ती 25:45

तेबे हुन हुनमन के जबाप देयेदे, ‘मय तुमचो ले सते बलेंसें कि तुमी जोन ऐ नानी ले नानीमन थानले कोनी गोटक चो संगे नी करलास, हुन मोची संगे बले नी करला।’

मत्ती 6:1

“खबड़दार राहा! तुमी मानेमन के दकातो काजे आपलो धरम चो काम नी करा, नाहले आपलो सरग चो बुआ ले काई बले फल नी पाआसे।”

मत्ती 6:18

बल्ले लोग नाई मान्तर तुचो बुआ जोन गुपत ने आसे, तुके उपासी जानो। ऐ हाल ने तुचो बुआ जोन गुपत ने दके से, तुके ईनाम देयदे।”

मत्ती 6:4

बल्ले तुचो दान गुपत रओ, आउर तेबे तुचो बुआ जोन गुपत ने दकु आय, तुके ईनाम देयदे।”

मत्ती 6:6

मान्तर जिदलदाय तुय पारथना कर से, तेबे आपलो बाकरा ने जा; आउर कपाट ढ़ाकुन भाती आपलो बुआ ले जोन गुपत ने आसे पारथना कर। तेबे तुचो बुआ जोन गुपत ने दकेसे, तुके ईनाम देयदे।

मत्ती 7:8

कसनबल्लोने जोन कोनी मांगु आय, हुनके मिरू आय; आउर जोन डगराऊ आय, हुन पाऊ आय; आउर जोन ठक-ठकाऊ आय, हुनचो काजे उगाढ़ा जायदे।

प्रेरितो 16:15

जिदलदाय हुन आपलो घरलोगमन संगे डूबन धरला, तेबे हुन आमचो ले बिनती करली, “अगर तुमी मोके परबु चो बिश्वासीनी समजेसास, तो जाऊन भाती मोचो घर ने राहा,” आउर हुन आमके राजी करून निली।

रोमियो 16:23

गयुस जोन मोचो आउर कलीसिया के चलातो बिता आय, हुनचो तुमके जुहार:। इरास्तुस जोन नंगर चो भण्डारी आय, आउर भाई क्वारतुस चो तुमके जुहार।

1 कुरिन्थियो 9:17

कसनबल्लोने अगर आपलो इच्छा ले ऐ करें से तेबे भुती मोके मिरे से, आउर अगर आपलो इच्छा ले नी करे तेबले बले भण्डारीपन मोके सोपा गेली से।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

2 यूहन्ना 1:8

आपलो बारे ने चलाक राहा, कि जोन मसागत आमी करलु से हुनके तुमी नी हजाहा, बल्ले हुनचो पुरा करलो फल पाहा।