मत्ती 10:22 - Halbi

²² मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

परमेस्वर को सच्चो वचन ख जाननू

²² मोरो नाम को वजेसे सब इंसान हुन तुम से बैर रखेगो, पर जो आखरी लक धीरज धर ख रहे ओको ही उध्दार होए।

मत्ती 10:22 ပူးပေါင်းရင်းမြစ်များ

मत्ती 10:39

जोन आपलो जीव बचाऊ आय, हुन हुनके नी बचाए; आउर जोन मोचो लागुन आपलो जीव देऊ आय, हुन हुनके पायदे।

मत्ती 24:13

मान्तर जोन आखरी तक धीरज धरून रये दे, हुनचेई मुक्ति होये दे।

मत्ती 24:9

तेबे हुनमन कलेश देतो काजे तुमके धरा दे, आउर तुमके मारून पका दे, आउर मोचो नाव चो कारन सपाय जातिमन चो लोग तुमचो ले बईर संगा दे।

मत्ती 5:11

“धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे।

मरकुस 13:13

आउर मोचो नाव चो कारन सपाय लोग तुमचो ले बईर कर दे; मान्तर जोन आखरी तक धीरज धरून रये दे, हुनचेई मुक्ति होये दे।

लूका 21:17

मोचो नाव चो लागुन सपाय लोग तुमचो ले बईर कर दे।

लूका 21:19

आपलो धीरज ले तुमी आपलो जीवमन के बचाऊन संगाआ से।

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

यूहन्ना 17:14

मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत।

यूहन्ना 7:7

जगत तुमचो ले बईर नी करूक सके, मान्तर हुन मोचो ले बईर करू आय कसनबल्लोने मय हुनचो बिरूद ने ऐ गोहई देऊ आंय कि हुनचो काम खराप आय।

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

2 कुरिन्थियो 4:11

कसनबल्लोने आमी जीवता-जीवता हरमेशा ईशु चो लागुन मरना चो हाथ ने सोपा जाऊ आंव कि ईशु चो जीवना बले आमचो मरनहार देंह ने परकट होओ।

गलातियो 6:9

आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 6:11

मान्तर आमी खुबे चाहाऊं आव कि तुमनमन ले हरकोनी सरोत ले पुरा आशा चो काजे असने ची कोशिश करते रओ।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

1यूहन्ना 3:13

हे भाईमन, अगर संवसार तुमके बईर करे से तो नी भक्याहा।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”

प्रकाशितवाक्य 2:26

“जोन जय पावला आउर मोचो काममन चो अनुसार आखरी ले करते रओ, मय हुनके जाति-जाति चो लोगमन उपरे अधिकार देयेंदे,”

प्रकाशितवाक्य 2:3

“तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”