मत्ती 10:17 - Halbi

¹⁷ मान्तर लोगमन ले खबड़दार राहा, कसनबल्लोने हुनमन तुमके माहासभामन ने सोपदे, आउर आपलो पंचायतमन ने तुमके कोड़ा मारदे।

परमेस्वर को सच्चो वचन ख जाननू

¹⁷ पर इंसान से सतर का रहनो, काहेकि वी तुम ख बड़ी प्रार्थना घर हुन म सोपेगो, अऊर अपनी पंचायत हुन म तुमका कोड़ा मारेगो।

मत्ती 10:17 ပူးပေါင်းရင်းမြစ်များ

मत्ती 10:18

तुमी मोचो काजे हाकिममन आउर राजामन चो पुरे हुनमन थाने, आउर दुसर जातिमन थाने गोहई होतो काजे पोंचाया जाआसे।

मत्ती 20:19

आउर हुनके दुसर जातिमन चो हाथे सोप दे कि हुनमन हुनके मजाक उड़ा ओत, आउर कोड़ा मारोत, आउर कुरूस उपरे चेगा ओत, आउर हुन तीसर दिने जीवऊन जायेदे।”

मत्ती 23:34

ऐईकाजे दका, मय तुमचो लगे अगम गिआनीमन आउर अकल बितामन आउर शास्तरीमन के पटायें से; आउर तुमी हुनमन थानले कितरो के मारून पकाआ से आउर कुरूस उपरे चेगाहा से, आउर कितलो के आपलो आराधना घरमन ने कोड़ा मारा से आउर गोटक नंगर ले दुसर नंगर ने खेद ते फिरा से।

मत्ती 26:59

परधान याजक आउर पुईतराय माहासभा ईशु के मारतो काजे हुनचो बिरूद ने झूठा गोहई चो खोज ने रवत,

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

मरकुस 13:12

भाई के भाई आउर बुआ के बेटा मरातो काजे सोप दे, आउर पिलामन आया बुआ चो बिरूद ने उठून भाती हुनमन के मरा दे।

मरकुस 13:9

“मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

लूका 12:11

“जिदलदाय लोग तुमके आराधना घरमन ने आउर अधिपतिमन आउर अधिकारीमन चो पुरे धरून जादे, तेबे चिन्ता नी करा कि आमी कसन रीति ले नाहले काय जबाप देवां, नाहले काय बोलुन्दे।

यूहन्ना 11:47

ऐ थाने परधान याजकमन आउर फरीसीमन बड़े सभा हाग दीला, आउर बल्ला, “आमी करू आंव काय? ऐ माने तो खुबे चिना दकाऊ आय।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

प्रेरितो 17:14

तेबे भाईमन तुरते पौलुस के बिदा करला कि समुन्द चो रेटे जाते जाओ; मान्तर सीलास आउर तीमुथियुस हुताय रऊन गेला।

प्रेरितो 22:19

मय बल्ले, हे परबु, हुनमन तो खुद जानोत कि मय तुचो उपरे बिश्वास करतो बितामन के जयलघर ने ढाकतोर आउर जगा-जगा आराधना घर ने पेटाते रयें।

प्रेरितो 26:11

हर आराधना घर ने मय हुनमन के तकलीस देऊन-देऊन भाती ईशु चो निन्दा कराते रयें, ऐथा ले कि रिस चो मारून असन बया होऊन गेले कि बाहार चो नंगरमन ने बले जाऊन भाती हुनमन के कन्दराते रले।

प्रेरितो 9:2

आउर हुनचो ले दमिश्क चो आराधना घरमन चो नाव थाने ऐ इच्छा चो चिठ्ठीमन मांगलो कि काय माने काय बायले लेकी, जोनमन के हुन ऐ बाट ने पाओ हुनमन के बान्दुन भाती यरूशलेम धरून आनो।

फिलिप्पियो 3:2

कुकूरमन ले चलाक राआ, हुन घिन-घिना काम करतो बितामन ले चलाक राआ, हुन काट कोट करतो बिता ले बाचुन राहा।

2 तीमुथियुस 4:15

तुय बले हुनचो ले खबड़दार रा, कसनबल्लोने हुन आमचो गोठमन चो खुबे ची बिरूद करलो से।

इब्रानियो 11:36

कितलो झन मजाक ने उड़ाया जातोर; आउर कोड़ा खातोर मान्तर बान्दा जातोर, आउर कयद ने पड़तोर लागुन परका गेला।