मत्ती 1:20 - Halbi

²⁰ जिदलदाय यूसुफ ऐ गोठमन चो बिचार ने ची रलो तेबे माहापुरू चो सरगदूत हुनके सपना ने दका देउन भाती बोलुक मुरयालो, “हे यूसुफ! दाऊद पुरखा चो पिला, तुय आपलो बायले मरियम के आपलो घरे आनतो काजे नी डर, कसनबल्लोने जोन हुनचो गरब ने आसे, हुन पवितर आत्मा चो बाटले आय।

परमेस्वर को सच्चो वचन ख जाननू

²⁰ जब उ असी बात हुन कि सोच ही म हतो ते प्रभु को स्वर्गदूत ओखा सपना म दिखाई दियो अऊर कहन लग गयो, “अरे यूसुफ! दाऊद को अवलाद, तू अपनी ओरत मरियम ख अपनो इते लेखा आन से मत डरा, काहेकि जो ओकी कोक म हैं, उ सुध्द आत्मा की तरफ से हैं।

मत्ती 1:20 ပူးပေါင်းရင်းမြစ်များ

मत्ती 1:18

अदायं ईशु मसीह चो जनम ऐ परकार ले होली, कि जिदलदाय हुनचो आया मरियम चो मांगनी यूसुफ चो संगे होली, तेबे हुनमन चो रूंड़ा होतोर पयले ले हुन पवितर आत्मा चो बाटले देंहबारी होऊ रली।

मत्ती 2:12

आउर सपना ने ऐ चेतावनी पाऊन भाती कि राजा हेरोदेस चो लगे फेर नी जाहा, हुनमन दुसर बाटले होऊन भाती आपलो देश ने जाते गेला।

मत्ती 2:13

हुनमन चो गेलोर पाचे, माहापुरू चो गोटक दूत सपना ने यूसुफ के दका देऊन भाती बल्लो, “उठ! हुन पिला के आउर हुनचो आया के धरून भाती मिस्र देश ने पराव; आउर जिदलदाय ले मय तुके नी बले, हुदलदाय ले हुताय रा; कसनबल्लोने राजा हेरोदेस ऐ पिला के डगरातो थाने आसे कि ऐके मराऊन देओ।”

मत्ती 2:19

राजा हेरोदेस चो मरलोर पाचे, परबु चो दूत मिस्र ने यूसुफ के सपना ने दका देऊन भाती बल्लो,

मत्ती 2:22

मान्तर ऐ सुनुन भाती कि अरखिलाउस आपलो बुआ हेरोदेस चो जगा यहूदिया परदेश ने राज करे से, हुता जातो काजे डरलो; आउर सपना ने माहापुरू ले चेतावनी पाऊन भाती गलील परदेश ने गेलो।

मत्ती 27:19

जिदलदाय हुन नियाय आसन थाने बसु रलो तेबे हुनचो बायले हुनचो ले खबर पठाली, “तुय हुन धरमी चो मामला ने हाथ नी डाल, कसनबल्लोने मय आजी सपना ने हुनचो लागुन खुबे दुख उठाले से।”

मत्ती 28:5

सरगदूत बायले लेकीमन ले बल्लो, “नी डरा, मय जाने से कि तुमी ईशु के जोन कुरूस थाने चेगाया जाऊ रये डगरायसास।

लूका 1:19

सरगदूत हुनके जबाप दिलो, “मय गब्रिएल आंय, जोन माहापुरू चो पुरे उबा रऊ आंय; आउर मय तुचो ले गोठयाऊक आउर तुके ऐ नगतखबर सुनातो काजे पटाया गेले से।

लूका 2:4

आउरी यूसुफ बले ऐईकाजे कि हुन दाऊद चो घर आउर बंश चो रलो, गलील चो नासरत नंगर ले यहूदिया ने दाऊद चो नंगर बैतलहम ने गेलो,

प्रेरितो 5:19

मान्तर राती बेरा परबु चो गोटक सरगदूत जयलघर चो बाट उगाढुन भाती हुनमन के बाहरे आनुन भाती बल्लो,

प्रकाशितवाक्य 19:7

ईआ, आमी हरिक आउर उदुम होऊ, आउर हुनचो स्तुति करूं, कसनबल्लोने मेमना चो बिहा लगे अमरली से, आउर हुनचो दुली आपन खुद के तिआर करली से।