लूका 8:15 - Halbi

¹⁵ मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

परमेस्वर को सच्चो वचन ख जाननू

¹⁵ पर चोक्खो जमीन म को वी हैं, जो वचन सुन ख भले अर उत्तम मन म सम्भाल को रखत हैं, अर धीरे धीरे से फल लात हैं।

लूका 8:15 ပူးပေါင်းရင်းမြစ်များ

मत्ती 24:13

मान्तर जोन आखरी तक धीरज धरून रये दे, हुनचेई मुक्ति होये दे।

लूका 11:28

हुन बल्लो, “हव; मान्तर धन्य हुनमन आत जोन माहापुरू चो बचन सुनु आउर मानु आत।”

लूका 6:45

अच्छा माने आपलो मन चो अच्छा भण्डार ले अच्छा गोठमन निकराऊ आय, आउर खराप माने आपलो मन चो खराप भण्डार ले खराप गोठमन निकराऊ आय; कसनबल्लोने जोन मन ने भरली से हुनी हुनमन चो मुंह ने ऐऊ आय।

लूका 8:14

जोन बुटामन ने घसरली, ऐ हुनमन आत जोन सुनु आत, मान्तर पयले जाऊन भाती चिन्ता, आउर धन, आउर जीवना चो सुख बिलास ने फसु आत आउर हुनमन चो फर नी पाके।

लूका 8:16

“कोनी दीया जराऊन भाती बरतन ले नी ढ़ाकोत, आउर ना खटिया चो खाले संगाऊ आत, मान्तर दिवट थाने संगाऊ आय कि भीतरे ऐतो बितामन उजर पाओत।

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 6:22

मान्तर अदायं पाप ले छुटछाड़ाय होऊन भाती आउर माहापुरू चो दास बनुन भाती तुमके फल मिरली जेचो ले पवितरता परापत होऊ आय, आउर हुनमन चो आखरी अमर जीवना आय।

रोमियो 7:18

कसनबल्लोने मय जाने कि मोचो ने बल्लोने मोचो देंह ने कोनी अच्छा तीज मोचो भीतरे नी करे। इच्छा तो मोचो ने आसे, मान्तर नुकु काम मोचो ले नी बने।

रोमियो 7:4

असने ची ऐ मोचो भाईमन, तुमी बले मसीह चो देंह चो बाटले नियम चो लागुन मरलोर बनुन गेलास, कि हुन दुसर चो होऊन जाआ, जोन मरलो बितामन थानले जीव उठलो: बल्ले आमी माहापुरू चो काजे फल आनु।

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

1 कुरिन्थियो 7:19

ना खतना काई आय आउर ना बिन खतना, मान्तर माहापुरू चो हुकुममन के मानतोर ची सपाय काई आय।

इफिसीयो 2:8

कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय,

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 2:1

ऐेई लागुन जरूरी आय कि आमी हुन गोठमन थाने जोन आमीमन सुनलु से, आउर बले मन लगाऊं, असन नी होओ कि भहकुन भाती हुनमन ले लापी जाते जाऊं।

याकूब 1:4

मान्तर धीरज के आपलो पुरा काम करूक दिआस कि तुमी पुरा आउर सिद्ध होऊन जाहा, आउर तुमचो थाने कोनी गोठ चो कमी नी रओ।

1यूहन्ना 2:3

मान्तर आमी हुनचो हुकुममन के मानुन्दे, तेबे ऐचो ले आमी जानु दें कि आमी हुनके जानलु से।