लूका 7:13 - Halbi

¹³ हुनके दकुन भाती परबु के जीव दुकली, आउर हुनचो ले बल्लो, “नी गाग।”

परमेस्वर को सच्चो वचन ख जाननू

¹³ ओ ख देखकर प्रभु का तरस आयो, अर ओ ना कय्हो, “नी रो।”

लूका 7:13 ပူးပေါင်းရင်းမြစ်များ

मरकुस 8:2

“मोके ऐ भीड़ थाने जीव दुके से, कसनबल्लोने ऐ तीन दिन ले समान मोचो संगे आसोत, आउर हुनमन चो लगे काई बले खातो काजे निआय।

लूका 10:1

ऐ गोठमन चो पाचे परबु ईशु सत्तर दुसर माने नियुक्त करलो, आउर जोन-जोन नंगर आउर जगा के हुन खुद जातो थाने रलो, हुता हुनमन के दुय-दुय करून आपलो पुरे पठालो।

लूका 11:1

फेर हुन कोनी जगा पारथना करते रलो। जिदलदाय हुन पारथना करून सरालो, तेबे हुनचो चेलामन थानले गोटक हुनचो ले बल्लो, “हे परबु, जसन यूहन्ना आपलो चेलामन के पारथना करतोर सिका लो असने ची आमके बले तुय सिकाऊन देस।”

लूका 11:39

परबु हुनचो ले बल्लो, “हे फरीसीमन, तुमी बटकामन आउर थारी के उपर-उपर ले मांजेसास, मान्तर तुमचो भीतरे अंधार आउर दुष्टता भरली से।

लूका 12:42

परबु बल्लो, “हुन बिश्वास लायक आउर अकल बिता भण्डारी कोन आय, जेचो मालिक हुनके नवकर चाकरमन उपरे सरदार ठेबा ओ कि हुनमन के समया ने खातो-पिव तो सामान देओ।

लूका 13:15

ऐ सुनुन भाती परबु जबाप दिलो, “हे कपटीमन, काय सब्त चो दिने तुमचो थानले हरकोनी आपलो बयला नाहले गदही के दामा ले ढ़िलुन भाती पानी पिआऊक नी धरून जाये?

लूका 17:5

तेबे पठालोबितामन परबु ले बल्ला, “आमचो बिश्वास बड़ली।”

लूका 17:6

परबु बल्लो, “अगर तुमके राई चो दाना चो बराबर बले बिश्वास होती, तेबे तुमी ऐ सहतूत चो रूक ले बोलतास कि चेर ले उकनी होऊन भाती समुन्द ने गाड़ी हो, तेबे हुन तुमचो मानती।

लूका 18:6

परबु बल्लो, “सुना, ऐ अधरमी नियाय करू काय बलेंसें?

लूका 19:8

जक्कई उबा होऊन भाती परबु ले बल्लो, “हे परबु, दक, मय आपलो आदो धनमाल कंगालमन के देयें दें, आउर अगर काचीई काई बले अनियाय करून धरले से तो हुनके चार दुना लेवटाऊन देये दे।”

लूका 22:61

तेबे परबु किन्दरून भाती पतरस चो बाटे दकलो, आउर पतरस के परबु चो हुन गोठ सुरता ईली जोन हुन बोलुन रये, “आजी कुकड़ा चो बासतोर पयले, तुय तीन हार मोचो इन्कार कर से।”

लूका 24:3

मान्तर भीतरे जाऊन भाती परबु ईशु चो लाश के नी पावला।

लूका 24:34

हुनमन बोलते रवत, “परबु सत-सत जीव उठलो से, आउर शिमोन के दका दिलो से।”

लूका 7:12

जिदलदाय हुन नंगर चो दुआर लगे अमरलो, तेबे दका, लोग गोटक मोड़ा के बाहरे नेते रला; जोन आपलो आया चो एकला बेटा रये, आउर हुन रान्डी रली; आउर नंगर चो खुबे असन लोग हुनचो संगे रवत।

लूका 7:14

तेबे हुन लगे ऐऊन भाती टण्डरी के छिंवलो; आउर उठातो बितामन थेबुन गेला। तेबे हुन बल्लो, “हे जुआन, मय तुचो ले बलें सें, उठ!”

लूका 7:19

तेबे यूहन्ना आपलो चेलामन ले दुय झान के हाग देउन भाती परबु चो लगे ऐ पचारतो काजे पठालो, “काय ऐतो बिता तुय ची आस, नाहले आमी कोनी दुसर चो बाट दकु आंव?”

लूका 8:52

सपाय हुनचो काजे गागते बिलकते रवत, मान्तर हुन बल्लो, “नी गागा; हुन नाजुन मरे मान्तर सोये से।”

यूहन्ना 11:2

ऐ हुनी मरियम रली जोन परबु उपरे इतर डालुन हुनचो पाँयमन के आपलो केशमन ले पोछुन रये, ऐचीई भाई लाजर बेमार रये।

यूहन्ना 11:3

आउर हुनचो भईनमन हुनके खबर पठाला, “हे परबु, दक, जेचो ले तुय मया संगाऊ आस, हुन बेमार आसे।”

यूहन्ना 20:13

हुनमन हुनचो ले बल्ला, “हे बायले लेकी, तुय केंव गागे सीस?” हुन हुनमन ले बल्ली, “हुनमन मोचो परबु के उठाऊन धरून गेला आउर मय नी जाने कि हुनके काहां संगाला से।”

यूहन्ना 20:15

ईशु हुनके बल्लो, “हे बायले लेकी, तुय केंव गागे सीस? काके डगराय सीस?” हुन माली समजुन भाती हुनचो ले बल्ली, “हे मालिक, अगर तुय हुनके उठाऊन निली सीस तो मोके सांग कि हुनके काहां संगाली सीस, आउर मय हुनके धरून जायें दें।”

यूहन्ना 4:1

फेर जिदलदाय परबु के जान पड़ली कि फरीसीमन सुनला से कि ईशु यूहन्ना ले खुबे चेलामन बनाऊ आय आउर हुनमन के डूबन देऊ आय

यूहन्ना 6:23

तेबे दुसर ड़ोंगामन तिबिरियास ले हुन जगा चो लगे ईली, जोन थाने हुनमन परबु चो धन्यबाद करलोर पाचे रोटी खाऊ रला।

1 कुरिन्थियो 7:30

आउर गागतो बिता असन होओत, माना गागेत नाई; आउर हरिक करतो बिता असन होओत, माना हरिक नी करोत; आउर घेनतो बिता असन होओत, माना हुनचो लगे काई आसे ची नाई।

1 थिस्सलुनीकियो 4:13

हे भाईमन, आमी नी चाहाऊं कि तुमी हुनमन चो बारे ने जोन सोऊ आत, अगिआनी राहा; असन नी होओ कि तुमी दुसरमन चो असन दुख करा जेके आशा निआय।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।