लूका 6:42 - Halbi

⁴² जिदलदाय तुय आपलो ची आँईक चो चिपड़ा नी दकिस, तेबे आपलो भाई ले कसन बोलुक सकीस, ‘हे भाई; डण्डिक थेब तुचो आँईक ले कचरा के निकराऊन देयें दें’? हे कपटी, पयले आपलो आँईक ले चिपड़ा निकराव, तेबे जोन कचरा तुचो भाई चो आँईक ने आसे, हुनके अच्छा ले दकुन भाती निकराऊक सकसे।

परमेस्वर को सच्चो वचन ख जाननू

⁴² जब तू खुद की ही आँख का लट्ठा नी दिखत आय, तो अपन भई से कसो कहत सकत हैं, ‘हे भई; रुक जा तोरी आँख से कचरा ख निकला दूँ’? हे कपटी, पहले अपन आँख से लट्ठा निकाल, तब जो तिनका तोरो भई की आँख म हैं, ओ ख भली भाँति देखकर निकाल सकेगो।

लूका 6:42 ပူးပေါင်းရင်းမြစ်များ

मत्ती 26:75

तेबे पतरस के ईशु चो बल्लो गोठ सुरता ईली, “कुकड़ा बासतोर पयले तुय तीन हार मोचो इन्कार कर से।” आउर हुन बाहरे जाऊन भाती हुमारून-हुमारून गागलो।

मत्ती 7:3

“तुय केंव आपलो भाई चो आँईक चो कचरा के दक सीस, आउर आपलो आँईक चो चिपड़ा तुके नी जान पड़े?

मत्ती 7:4

जिदलदाय तुचो ची आँईक ने चिपड़ा आसे, तो तुय आपलो भाई ले कसन बोलुक सकीस, ‘आव मय तुचो आँईक ले कचरा निकराऊन देयेंदे?’

लूका 13:15

ऐ सुनुन भाती परबु जबाप दिलो, “हे कपटीमन, काय सब्त चो दिने तुमचो थानले हरकोनी आपलो बयला नाहले गदही के दामा ले ढ़िलुन भाती पानी पिआऊक नी धरून जाये?

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

लूका 6:41

तुय आपलो भाई चो आँईक चो कचरा के केंव दक सीस, आउर आपली ची आँईक चो चिपड़ा तुके नी जान पड़े?

लूका 6:43

“कोनी अच्छा रूक निआय जोन खराप फर फरो, आउर ना तो कोनी खराप रूक आसे जोन अच्छा फर फरो।

प्रेरितो 13:10

“हे सपाय कपट आउर सपाय चलाक ले भरलो शयतान चो पिला, थोमना धरम चो बयरी, काय तुय परबु चो सीदा बाटमन के टेड़ा करूक नी छांडीस?”

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 8:21

ऐ गोठ ने ना तुचो हिस्सा आसे, ना भाग; कसनबल्लोने तुचो मन माहापुरू चो पुरे सीदा निआय।

रोमियो 2:1

आउर हे दोष लगतो बितामन, तुय कोनी बले केंव नी हो, तुय बेजबाप आस; कसनबल्लोने जोन गोठ ने तुय दुसर उपरे दोष लगाऊ आस हुनी गोठ ने आपन खुद के बले दोषी ठेबाऊ आस, ऐईकाजे कि तुय जोन दोष लगाऊ आस खुद ची हुन काम करू आस।

2 कुरिन्थियो 5:18

ऐ सपाय गोठमन माहापुरू चो बाटले आय, जोन मसीह चो दुवारा आपलो संगे आमचो मिला-मिसा करलो, आउर मिला-मिसा चो सेवा आमके सोपुन दिलोसे।

2 तीमुथियुस 2:21

अगर कोनी आपन खुद के ऐ मन ले शुद्ध करे दे, तेबे हुन ईजीत चो बरतन आउर पवितर ठेबे दे; आउर मालिक चो काम ऐये दे आउर हर बड़ीया काम चो काजे तिआर होयेदे।

2 पतरस 1:9

कसनबल्लोने जेचो थाने ऐ गोठमन निआय, हुन आन्दा आय आउर झांवर दकु आय, आउर आपलो पयले चो पापमन ले धोऊन भाती शुद्ध होतो के भुलकुन बसलो से।