लूका 6:30 - Halbi

³⁰ जोन कोनी तुचो ले मांगो, हुनके देस; आउर जोन तुचो तीज झिकुन धरो, हुनचो ले नी मांग।

परमेस्वर को सच्चो वचन ख जाननू

³⁰ जे कोई तोसे से मागे, ओ ख दे; अऊर जो तोरी वस्तु छीन ले, ओसे नी माँग।

लूका 6:30 ပူးပေါင်းရင်းမြစ်များ

मत्ती 18:35

“असने परकार अगर तुमचो थानले सपाय गोटक आपलो भाई के मन ले छमा नी करेंदे, तेबे मोचो बुआ जोन सरग ने आसे, तुमचो संगे बले असने ची करेंदे।”

मत्ती 5:39

मान्तर मय तुमचो ले ऐ बलेंसे कि खराप माने चो सामना नी करा; मान्तर जोन कोनी तुचो उजा गाल थाने थापड़ मारेदे, हुनचो बाटे दुसर बले फेरून देस।

मत्ती 6:12

‘आउर जोन परकार आमी आपलो अपराधिमन के छमा करलु से, असने ची तुय बले आमचो अपराधमन के छमा कर।’

लूका 11:41

मान्तर हव, भीतर बिती तीजमन के दान करून दिआस, तेबे दका, सपाय काई तुमचो काजे शुद्ध होये दे।

लूका 12:33

आपलो धन-माल बिकुन भाती दान करून दिआस; आउर आपलो काजे असन बटवा बनावा जोन जुना नी होये, बल्ले सरग थाने असन धन रूंड़ा करा जोन घटु नुआय आउर जेचो लगे चोर नी जाओत, आउर कीड़ा नी नशा ओत।

लूका 18:22

ऐ सुनुन भाती ईशु हुनचो ले बल्लो, “तुचो थाने ऐबे बले गोटक गोठ चो कमी आसे, आपलो सपाय काई बिकुन भाती कंगालमन के बाटुन देस; आउर तुके सरग ने धन मिरे दे, आउर ऐऊन भारी मोचो पाट-पाट हो।”

लूका 6:29

जोन तुचो गोटक गाल ने थापड़ मारो हुनचो बाटे दुसर के बले फेरून देस; आउर जोन तुचो अन्गोची के झिको, हुनके कुड़ता धरतोर ने बले नी ठेबाव।

लूका 6:31

जसन तुमी मन करसास कि लोग तुमचो संगे करोत, तुमी बले हुनमन संगे असने ची करा।

लूका 6:38

दिआ से, तेबे तुमके बले देदे। लोग पुरा नाप चेपाऊन-चेपाऊन भाती आउर हलाऊन-हलाऊन भाती आउर उचरा-उचरी तुमचो कोरा ने रिका दे, कसनबल्लोने जोन नाप ले तुमी नापु आहास, हुनची ले तुमचो काजे बले नापाय जाये दे।”

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।