लूका 6:27 - Halbi

²⁷ “मान्तर मय तुमी सुनातो बितामन ले बलें सें कि आपलो बयरीमन ले मया संगाहा; जोन तुमचो ले बईर करोत, हुनमन चो भला करा।

परमेस्वर को सच्चो वचन ख जाननू

²⁷ पर मी तुम सुनन वाला ख कहू हैं कि अपनो बैरी से प्रेम रखनो; जे तो से बैर करे, ओको भलो कर।

लूका 6:27 ပူးပေါင်းရင်းမြစ်များ

मरकुस 4:24

फेर हुन हुनमन ले बल्लो, “सचेत राआ कि काय सुनेसास। जोन नाप ले तुमी नापेसास हुनचेई ले तुमीमन काजे बले नापा जाये दे, आउर तुमके खुबे दिआय जाये दे।

लूका 23:34

तेबे ईशु बल्लो, “हे बुआ, ऐ मन के छमा कर, कसनबल्लोने ऐ नी जानोत कि काय कर सोत।” आउर हुनमन चिठ्ठीमन डालुन भाती हुनचो फटीई बाटला।

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

लूका 8:18

ऐईकाजे तिआर राहा कि तुमी कसन रीति ले सुनेसास? कसनबल्लोने जेचो लगे आसे हुनके दिया जाये दे, आउर जेचो लगे निआय हुनचो ले हुन बले धरा जाये दे, जेके हुन आपलो समजु आय।”

लूका 8:8

खिन्डिक नगत भूईं उपरे घसरली, आउर अकरून भाती सव गुना फल आनला।” ऐ बोलुन भाती हुन जोर ले बल्लो, “जेचो सुनतोर कान आसे हुन सुना।”

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 16:28

मान्तर पौलुस जोर ले हाग देऊन भाती बल्लो, “आपन खुद के काई हानि नी पोंचाव, कसनबल्लोने आमी सपाय ऐथाय आंसु।”

प्रेरितो 7:60

फेर मांडी पाडून भाती जोर ले हाग दिलो, “हे परबु, ऐ पाप हुनमन उपरे नी लगाव।” आउर ऐ बोलुन भाती हुन मरून गेलो। शाऊल हुनचो बद ने शामिल रलो।

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

3 यूहन्ना 1:11

हे लाड़रा, खराप चो नाई मान्तर भलाई चो करतो बिता हो। जोन भलाई करू आय, हुन माहापुरू चो बाटले आय; मान्तर जोन खराप करू आय, हुन माहापुरू के नी दकलो।