लूका 24:47 - Halbi

⁴⁷ आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

परमेस्वर को सच्चो वचन ख जाननू

⁴⁷ अर यरूसलेम से लेय ख सब जाति हुन म मन को अर पाप हुन कि छमा को प्रचार, ओको नाम से कियो जाहे।

लूका 24:47 ပူးပေါင်းရင်းမြစ်များ

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 9:13

ऐईकाजे तुमी जाऊन भाती ऐचो अरत सिका, ‘मय बलिदान नाई मान्तर दया मन करूं आय।’ कसनबल्लोने मय धरमीमन के नाई, मान्तर पापीमन के हाग देऊक ईलेसे।”

लूका 13:34

“हे यरूशलेम! हे यरूशलेम! तुय जोन अगम गिआनीमन के मारू आस, आउर जोन तुचो लगे पटाया गेला हुनमन उपरे पकना पकाऊ आस। कितलो हार मय ऐ मन करले कि जसन कुकड़ी आपलो पिलामन के आपलो पाटकी चो खाले रूंड़ा करू आय, असने ची मय बले तुचो पिलामन के रूंड़ा करें दें, मान्तर तुमी ऐ नी मन करलास।

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

प्रेरितो 28:28

“आउर तुमी जाना कि माहापुरू चो ऐ मुक्ति चो कथा दुसर जातिमन चो लगे पटाया गेली से, आउर हुनमन सुन दे।”

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

इफिसीयो 1:6

कि हुनचो हुन अनुग्रह चो महिमा चो स्तुति होओ, जेके हुन आमके आपलो लाडरा बेटा चो बाटले सेंत-मेंत दिलो।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

1यूहन्ना 2:12

हे लेकामन, मय तुमके ऐईकाजे लिकें से कि हुनचो नाव ले तुमचो पाप छमा होली से।