लूका 24:44 - Halbi

⁴⁴ फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

परमेस्वर को सच्चो वचन ख जाननू

⁴⁴ फिर ओ न उनसे कय्हो, “यू मोरी वी बात हैं, जे मी न तुम्हारो संग रहत हुए तुम लोग हुन कही हती कि आवस्य हैं कि जितनी बात मूसा की नेम की किताब अर भविस्यवक्ता हुन अर भजन हुन की किताब म मोरो विसय म लिखो हैं, सब पूरो होए।”

लूका 24:44 ပူးပေါင်းရင်းမြစ်များ

मत्ती 1:22

ऐ सपाय काई ऐईकाजे होली कि जोन बचन परबु यशाया अगम गिआनी चो बाटले बोलु रलो, हुन पुरा होओ

मत्ती 16:21

हुन समया ले ईशु आपलो चेलामन के सांगुक मुरयालो, “जरूरी आय कि मय यरूशलेम ने जायें दें आउर पुरनिमन, आउर परधान याजकमन, आउर शास्तरीमन चो हाथ ले खुबे दुख उठायें; आउर मारून पकाया जायें; आउर तीसर दिने जीव उठेदे।”

मत्ती 26:54

मान्तर पवितर शास्त्र चो हुन गोठमन कि असने ची होतोर जरूरी आय, कसन पुरा होये दे?”

मत्ती 26:56

मान्तर ऐ सपाय ऐईकाजे होली कि अगम गिआनीमन चो बचन पुरा होओ।” तेबे सपाय चेलामन हुनके छांडुन भाती पराला।

मरकुस 9:31

कसनबल्लोने हुन आपलो चेलामन के उपदेश देते आउर हुनमन ले बोलते रलो, “माने चो बेटा, मानेमन चो हाथे धराय जायेदे, आउर हुनमन हुनके मारून पकादे; आउर हुन मरलोर तीन दिन पाचे जीव उठेदे।”

लूका 21:22

कसनबल्लोने ऐ पलटा धरतोर असन दिन होये दे, जोन थाने लिकलोर सपाय गोठमन पुरा होऊन जाये दे।

लूका 22:37

कसनबल्लोने मय तुमचो ले बलें सें, कि ऐ जोन लिकलोर आसे, ‘हुन गुनेगार चो संगे गेना गेलो,’ हुनचो मोचो थाने पुरा होतोर जरूरी आय; कसनबल्लोने मोचो बारे ने लिकलोर गोठमन पुरा होतो थाने आसे।”

लूका 24:46

आउर हुनमन ले बल्लो, “असन लिकलोर आसे कि मसीह दुक उठाये दे, आउर तीसर दिने मरलो थानले जीव उठेदे,

लूका 9:22

फेर हुन बल्लो, “माने चो बेटा काजे जरूरी आय कि हुन खुबे दुख उठाओ, आउर पुरनिमन आउर परधान याजक आउर शास्तरी हुनके नीच समजुन भाती मारून दे ओत, आउर हुन तीसर दिने जीव उठो।”

लूका 9:44

“तुमी ऐ गोठमन थाने कान दिआस, कसनबल्लोने माने चो बेटा मानेमन चो हाथ ने धराया जातोर ने आसे।”

यूहन्ना 3:14

आउर जोन रीति ले मूसा रान थानले सांप के डेंगे चेगालो, हुनी रीति ले जरूरी आय कि माने चो बेटा बले डेंग थाने चेगाया जाओ;

यूहन्ना 5:39

तुमी पवितर शास्त्र ने डगराऊ आहास, कसनबल्लोने समजु आहास कि हुन थाने अमर जीवना तुमके मिरू आय; आउर ऐ हुनी आय जोन मोचो गोहई देऊ आय;

यूहन्ना 5:46

कसनबल्लोने अगर तुमी मूसा चो बिश्वास करतास, तेबे मोचो बले बिश्वास करतास, ऐईकाजे कि हुन मोचो बारे ने लिकलो से।

प्रेरितो 13:33

कि माहापुरू ईशु के जिआऊन भाती, हुनी बायदा आमचो पिलामन चो काजे पुरा करलो; जसन दुसर भजन ने बले लिकलोर आसे, तुय मोचो बेटा आस; आजी मय तुके जनमा ले से।

प्रेरितो 13:40

ऐईकाजे हुसीयार राहा, असन नी होओ कि जोन अगम गिआनीमन चो किताब ने ईली से, तुमचो उपरे बले ऐऊन पड़ो:

प्रेरितो 2:27

कसनबल्लोने तुय मोचो जीव के अधलोक ने नी छांड से; आउर ना आपलो पवितर लोग के कुऊक देये दे।

प्रेरितो 3:18

मान्तर जोन गोठमन के माहापुरू सपाय अगम गिआनीमन चो मुंह ले पयले ची सांगुन देऊ रलो, कि हुनचो मसीह दुख उठाये दे, हुनमन के हुन ऐ रीति ले पुरा करलो।

प्रेरितो 7:37

ऐ हुनी मूसा आय, जोन इस्राएलीमन के बल्लो, माहापुरू तुमचो भाईमन थानले तुमचो काजे मोचो असन गोटक अगम गिआनी उठाये दे।

इब्रानियो 10:1

कसनबल्लोने नियम, जोन थाने ऐतो बिती अच्छा तीजमन चो परतिबिम्ब आय मान्तर हुनमन चो असली रूप-रंग नुआय, ऐईकाजे हुन गोटक ची परकार चो बलिदानमन चो बाटले जोन हर बरक अचूक चेगाया जाऊ आय, लगे ऐतो बितामन के केबीई सिद्ध नी करूक सके।

इब्रानियो 3:5

मूसा तो माहापुरू चो पुईतराय घर ने सेवक चो असन बिश्वास लायक रलो कि जोन गोठमन चो वर्णन होतो बिती रये, हुनचो गोहई देओ।

इब्रानियो 7:1

ऐ मलिकिसिदक शालेम चो राजा, आउर परमपरधान माहापुरू चो याजक, हरमेशा याजक बनुन रऊ आय। जिदलदाय अब्राहाम राजामन के मारून भाती फिरून जाते रये, तेबे ऐई हुनके भेट करून हुनके आशीष दिलो।

इब्रानियो 9:8

ऐचो ले पवितर आत्मा ऐई दकाऊ आय कि जिदलदाय ले पयला तम्बू उबा आसे, हुदलदाय ले पवितर जगा चो बाट परकट नी होली।

1 पतरस 1:11

हुनमन ऐ गोठ चो खोज करला कि मसीह चो आत्मा जोन हुनमन थाने रये, आउर पयले ले ची मसीह चो दुकमन चो बाटे हुनचो पाचे होतो बिती महिमा चो गोहई देते रये, हुन कोन ले आउर कसन समया चो बाटे ईसारा करते रलो।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।