लूका 24:30 - Halbi

³⁰ जिदलदाय हुन हुनमन चो संगे खाऊक लाय बसलो, तेबे हुन रोटी धरून भाती धन्यबाद करलो आउर हुनके टुटाऊन भाती हुनमन के देऊक मुरयालो।

परमेस्वर को सच्चो वचन ख जाननू

³⁰ जब उ उनको संग खाना खान को बैठयो, ते ओ न रोटी लेय ख धन्यवाद कियो अर ओ ख तोड़ ख उनको देन लगियो।

लूका 24:30 ပူးပေါင်းရင်းမြစ်များ

मत्ती 14:19

तेबे हुन लोगमन के लाटा थाने बोसतो काजे बल्लो, आउर हुन पांच रोटी आउर दुय मछरी के धरलो; आउर सरग बाटे दकुन भाती धन्यबाद करलो आउर रोटी के छिड़ाऊन-छिड़ाऊन भाती चेलामन के दिलो, आउर चेलामन लोगमन के।

मत्ती 15:36

आउर ईशु सात रोटी आउर मछरी के धरलो, धन्यबाद करून टुटालो, आउर आपलो चेलामन के देते गेलो, आउर चेला लोगमन के।

मत्ती 26:26

जिदलदाय हुनमन खाते रवत तेबे ईशु रोटी धरलो, आउर आशीष मांगुन भाती टुटालो, आउर चेलामन के देऊन भाती बल्लो, “धरा, खाआ; ऐ मोचो देंह आय।”

मरकुस 14:22

जिदलदाय हुनमन खाते ची रवत, हुन रोटी धरलो, आउर आशीष मांगुन भाती टुटालो, आउर हुनमन के दिलो, आउर बल्लो, “धरा ऐ मोचो देंह आय।”

मरकुस 6:41

हुन-हुन पांच रोटी के आउर दुय मछरी के धरलो, आउर सरग चो बाटे दकुन भाती धन्यबाद करलो, आउर रोटी के छिड़ाऊन-छिड़ाऊन भाती चेलामन के देते गेलो कि हुनमन लोगमन के बाटोत, आउर हुन दुय मछरी के बले हुन सपाय ने बाटुन दिलो।

मरकुस 8:6

तेबे हुन लोगमन के भूईं थाने बोसतोर हुकुम दिलो, आउर हुन सात रोटी के धरलो आउर धन्यबाद करून टुटालो, आउर आपलो चेलामन के देते गेलो कि हुनमन चो पुरे संगा ओत, आउर हुनमन लोगमन चो पुरे बाटुन दिला।

लूका 22:19

फेर हुन रोटी धरलो, आउर धन्यबाद करून टुटालो, आउर हुनमन के ऐ बोलते-बोलते दिलो, “ऐ मोचो देंह आय जोन तुमचो काजे दिआ जाये से: मोचो सुरता काजे असने ची करते राहा।”

लूका 24:29

मान्तर हुनमन ऐ बोलुन भाती हुनके ठेबाला, “आमचो संगे रा, कसनबल्लोने सांज होये से आउर दिन अदायं खुबे ढ़लुन गेली से।” तेबे हुन हुनमन चो संगे रतो काजे भीतरे गेलो।

लूका 24:35

तेबे हुनमन बाट चो गोठमन हुनमन के सांगुन दिला आउर ऐ बले कि हुनमन हुनके रोटी टुटातो समया कसन चिताला।

लूका 9:16

तेबे हुन-हुन पांच रोटी आउर दुय मछरी के धरलो, आउर सरग बाटे दकुन भाती धन्यबाद करलो, आउर छिड़ाऊन-छिड़ाऊन भाती चेलामन के देते गेलो कि लोगमन के बाटोत।

यूहन्ना 6:11

तेबे ईशु रोटी के धरलो, आउर धन्यबाद करून बसतो बितामन के बाटुन दिलो; आउर असने ची मछरीमन थानले जितरो हुनमन चाहते रवत बाटुन दिला।

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 27:35

ऐ बोलुन भाती हुन रोटी धरून भाती सपाय चो पुरे माहापुरू चो धन्यबाद करलो आउर टुटाऊन भाती खाऊक मुरयालो।