लूका 23:34 - Halbi

³⁴ तेबे ईशु बल्लो, “हे बुआ, ऐ मन के छमा कर, कसनबल्लोने ऐ नी जानोत कि काय कर सोत।” आउर हुनमन चिठ्ठीमन डालुन भाती हुनचो फटीई बाटला।

परमेस्वर को सच्चो वचन ख जाननू

³⁴ तब यीसु न कय्हो, “हे बाप ऐका माप कर, काहेकि यी नी जानत की यू का कर रया।” अर चिठ्टी डाल ख ओके आपस म कपड़ा हुन बाँट लियो।

लूका 23:34 ပူးပေါင်းရင်းမြစ်များ

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

मत्ती 11:26

हव, हे बुआ, कसनबल्लोने तुके ऐई अच्छा लागली।

मत्ती 5:44

मान्तर ऐबे मय तुमचो ले ऐ बलेंसे कि आपलो बयरीमन ले मया संगावा आउर आपलो कन्दरातो बितामन चो काजे पारथना करा,

मरकुस 15:24

तेबे हुनमन हुनके कुरूस थाने चेगाला आउर हुनचो फटीई थाने चिठ्ठीमन डालुन भाती, कि काके काय मिरेदे, हुनमन के बाटला।

लूका 22:42

“हे बुआ, अगर तुय मन कर सीस जाले ऐ बटका के मोचो लगले गुचाऊन देस, तेबले बले मोचो नाई मान्तर तुचीई इच्छा पुरा होओ।”

यूहन्ना 17:9

मय हुनमन काजे गुहार करें से; जगत चो काजे बिनती नी करे मान्तर हुनमन चो काजे जोनमन के तुय मोके दिली सीस, कसनबल्लोने हुनमन तुचो आत;

यूहन्ना 19:11

ईशु जबाप दिलो, “अगर तुके उपर ले नी दिया जाति, तो तुचो मोचो उपरे काई अधिकार नी होती; ऐईकाजे जोन मोके तुचो हाथे धरालो से हुनचो पाप जुगे आय।”

प्रेरितो 16:28

मान्तर पौलुस जोर ले हाग देऊन भाती बल्लो, “आपन खुद के काई हानि नी पोंचाव, कसनबल्लोने आमी सपाय ऐथाय आंसु।”

प्रेरितो 3:17

अदायं हे भाईमन, मय जाने से कि ऐ काम तुमीमन अगिआन ने करलास, आउर असने ची तुमचो सरदारमन बले करला।

प्रेरितो 7:60

फेर मांडी पाडून भाती जोर ले हाग दिलो, “हे परबु, ऐ पाप हुनमन उपरे नी लगाव।” आउर ऐ बोलुन भाती हुन मरून गेलो। शाऊल हुनचो बद ने शामिल रलो।

रोमियो 12:14

आपलो कन्दरातो बितामन के आशीष दिआस; आशीष दिआस सराप नी दिआस।

1 कुरिन्थियो 2:8

जेके ऐ संवसार चो हाकिममन थानले कोनी नी जानला, कसनबल्लोने अगर हुनमन जानता तो चमक परबु के कुरूस थाने नी चेगाता।

1 कुरिन्थियो 4:12

आउर आपली ची हाथमन ले काम करून मसागत करू आंव। लोग आमके खराप बोलु आत, आमी आशीष देऊ आंव; हुनमन कन्दराऊ आत, आमी सहु आंव।

1तीमुथियुस 1:13

मय तो पयले निन्दा करतो बिता, आउर कन्दरातो बिता, आउर अंधेर करतो बिता रले; तेबले बले मोचो उपरे दया होली, कसनबल्लोने मय अबिश्वास चो दसा ने बिना समजुन बुजुन ऐ कामकरू रले।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।