लूका 22:53 - Halbi

⁵³ जिदलदाय मय मंदिर ने रोजे दिना तुमचो संगे रले, तेबे तुमी मोचो उपरे हाथ नी लगालास; मान्तर ऐ तुमचो समया आय, आउर अंधार चो अधिकार आसे।”

परमेस्वर को सच्चो वचन ख जाननू

⁵³ जब मी मन्दिर म हर रोज तुम्हारो संग हतो, ते तू न मो पर हात नी ड़ालियो; पर हात नी ड़ालो; पर यू वा तुम्हारी बखत हैं, अर अंधकार को अधिकार हैं।”

लूका 22:53 ပူးပေါင်းရင်းမြစ်များ

मत्ती 21:23

हुन मंदिर ने जाऊ भाती उपदेश करते रलो, तेबे परधान याजकमन आउर लोगमन चो सियानमन हुनचो लगे ऐऊन भाती पचारला, “तुय ऐ काम काचो अधिकार ले कर सीस? आउर तुके ऐ अधिकार कोन दिलो?”

लूका 22:52

तेबे ईशु परधान याजकमन आउर मंदिर चो पाहारा रऊमन चो सरदारमन आउर पुरनिमन ले, जोन हुनचो उपरे ऐते रवत, बल्लो, “काय तुमी मोके डाकु जानुन भाती खंडामन आउर ठेंगामन धरून भाती निकरलासास?

लूका 22:54

फेर हुनमन हुनके धरून भाती गेला, आउर माहायाजक चो घर ने आनला। पतरस लापी ची लापी हुनचो पाट-पाट हिन्ड़ते रलो;

यूहन्ना 12:27

“अदायं मोचो जीव बाय बिकाल होये से। ऐईकाजे अदायं मय काय बोलु आंय? ‘हे बुआ, मोके ऐ समया ले बचाव?’ कसनबल्लोने मय ऐई लागुन ऐ समया ने अमरले से।

यूहन्ना 13:30

आउर हुन गोंदा धरून भाती तुरते बाहरे जाते गेलो; आउर ऐ राती चो समया रये।

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 7:30

ऐ थाने हुनमन हुनके धरतोर चाहला, तेबले बले कोनी हुनचो उपरे हाथ नी लगाला कसनबल्लोने हुनचो समया ऐबे तक नी ऐऊ रली।

यूहन्ना 7:45

तेबे पलटन परधान याजकमन आउर फरीसीमन चो लगे बोहडून ईला; हुनमन हुनचो ले बल्ला, “तुमी हुनके केंव नी आनलास?”

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,