लूका 22:52 - Halbi

⁵² तेबे ईशु परधान याजकमन आउर मंदिर चो पाहारा रऊमन चो सरदारमन आउर पुरनिमन ले, जोन हुनचो उपरे ऐते रवत, बल्लो, “काय तुमी मोके डाकु जानुन भाती खंडामन आउर ठेंगामन धरून भाती निकरलासास?

परमेस्वर को सच्चो वचन ख जाननू

⁵² तब यीसु न मुखिया याजक हुन अर मन्दिर पहरू हुन का सरदार हुन अर सियाना हुन से, जे उ हुन पर चढ़ आयो हतो, कय्हो, “का तुम मो ख ड़ाकू जान ख तलवार अर लाठी हुन हुयो निकल हो?

लूका 22:52 ပူးပေါင်းရင်းမြစ်များ

मत्ती 26:47

हुन ऐ बोलते रलो कि यहूदा जोन बारा झान ने गोटक रलो ईलो, आउर हुनचो संगे परधान याजकमन आउर लोगमन चो सियानमन चो बाटले बड़े भीड़, खंडामन आउर ठेंगामन धरून भाती ईली।

मत्ती 26:55

हुन समया ईशु भीड़ ले बल्लो, “काय तुमी खंडामन आउर ठेंगामन धरून भाती मोके डाकु चो असन धरतो काजे निकरलासास? मय रोजे दिना मंदिर ने बसुन भाती उपदेश देते रले, आउर तुमी मोके नी धरलास।

लूका 22:37

कसनबल्लोने मय तुमचो ले बलें सें, कि ऐ जोन लिकलोर आसे, ‘हुन गुनेगार चो संगे गेना गेलो,’ हुनचो मोचो थाने पुरा होतोर जरूरी आय; कसनबल्लोने मोचो बारे ने लिकलोर गोठमन पुरा होतो थाने आसे।”

लूका 22:4

हुन जाऊन भाती परधान याजकमन आउर पाहारा करूमन चो सरदारमन संगे गोठ बात करलो कि हुनके कसन परकार हुनमन चो हाथे धरावां।

लूका 22:51

ऐ थाने ईशु बल्लो, “ऐबे रऊक दिआस।” आउर हुनचो कान छिंऊन भाती हुनके अच्छा करलो।

लूका 22:53

जिदलदाय मय मंदिर ने रोजे दिना तुमचो संगे रले, तेबे तुमी मोचो उपरे हाथ नी लगालास; मान्तर ऐ तुमचो समया आय, आउर अंधार चो अधिकार आसे।”

यूहन्ना 17:12

जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ।

प्रेरितो 5:26

तेबे सरदार, जगवारमन चो संगे जाऊन भाती, हुनमन के धरून ईलो, मान्तर जबरन नाई, कसनबल्लोने हुनमन लोगमन के डरते रवत कि आमचो उपरे पकना नी मारोत।