लूका 22:36 - Halbi

³⁶ हुन हुनमन ले बल्लो, “मान्तर अदायं जेचो लगे बटवा आसे हुन हुनके धरो आउर असने ची झोरा बले, आउर जेचो लगे तलवार नी रओ हुन आपलो फटीई बिकुन भाती गोटक घेनो।

परमेस्वर को सच्चो वचन ख जाननू

³⁶ यीसु ओसे कय्हो, “परन्तु अब जेके पास बटुवा हो उ ओ ख ले अर वसो ही झोली भी, अर जेके पास तलवार नी वी अपनो कपड़ा बेच ख एक मोल लेवा।

लूका 22:36 ပူးပေါင်းရင်းမြစ်များ

मत्ती 10:10

बाट चो काजे ना झोरा संगाहा, ना दुय ठान कुड़ता, ना पनही आउर ना बड़गी धरा, कसनबल्लोने भुतीयार के हुनचो भुती मिरतोर जरूरी आसे।

लूका 22:35

फेर हुन हुनमन ले बल्लो, “जिदलदाय मय तुमके बटवा, आउर झोरा, आउर पनही नाहलोर पटाऊन रले, तेबे काय तुमके कोनी तीज चो घाटा होऊ रली?” हुनमन बल्ला, “कोनी तीज चो नाई।”

लूका 22:37

कसनबल्लोने मय तुमचो ले बलें सें, कि ऐ जोन लिकलोर आसे, ‘हुन गुनेगार चो संगे गेना गेलो,’ हुनचो मोचो थाने पुरा होतोर जरूरी आय; कसनबल्लोने मोचो बारे ने लिकलोर गोठमन पुरा होतो थाने आसे।”

लूका 22:38

हुनमन बल्ला, “हे परबु, दक, ऐथा दुय ठान तलवारमन आसे।” हुन हुनमन ले बल्लो, “खुबे आय।”

यूहन्ना 15:20

जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

1 थिस्सलुनीकियो 3:4

कसनबल्लोने पयले बले, जिदलदाय आमी तुमचो थाने रऊँ तेबे तुमके बोलते रऊँ कि आमके कलेश उठाक पढ़े दे, आउर असने ची होली से, जसन कि तुमी जानास बले।

1 पतरस 4:1

ऐईकाजे जसन कि मसीह देंह ने होऊन भाती दुख उठालो तेबे तुमी बले हुनी मनसा के हत्यार चो असन धारन करा, कसनबल्लोने जोन देंह ने दुख उठालो हुन पाप ले छुटुन गेलो,