लूका 22:32 - Halbi

³² मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

परमेस्वर को सच्चो वचन ख जाननू

³² पर मी न तोरो लियो विनती की कि तोरो विस्वास जात नी रय्हे; अर जब तू फिरो, ते अपनो भई हुन का स्थिर करनु।”

लूका 22:32 ပူးပေါင်းရင်းမြစ်များ

मत्ती 18:3

आउर बल्लो, “मय तुमचो ले सते बलें सें कि जिदलदाय ले तुमी नी फिरास आउर लेकामन चो असन नी बनास, तुमी सरग चो राज ने ओलुक नी सका से।

मत्ती 26:75

तेबे पतरस के ईशु चो बल्लो गोठ सुरता ईली, “कुकड़ा बासतोर पयले तुय तीन हार मोचो इन्कार कर से।” आउर हुन बाहरे जाऊन भाती हुमारून-हुमारून गागलो।

मरकुस 14:72

तेबे तुरते दुसरहार कुकड़ा बासली। पतरस के हुन गोठ जोन ईशु हुनचो ले बोलु रलो सुरता ईली, “कुकड़ा चो दुयहार बासतोर पयले तुय तीन हार मोचो इन्कार कर से।” आउर हुन ऐ गोठ के बिचारून भाती गागुक मुरयालो।

मरकुस 16:7

मान्तर तुमी जाआ, आउर हुनचो चेलामन आउर पतरस ले बोला कि हुन तुमचो ले पयले गलील ने जाये दे। जसन हुन तुमचो ले बोलु रलो, तुमी हुताय हुनके दका से।”

लूका 8:13

पकना उपर चो हुनमन आत कि जिदलदाय सुनु आत, तेबे हरिक ले बचन के गरहन तो करू आत, मान्तर चेर नी धरलो ले हुनमन खिन्डिक समया ले बिश्वास संगाऊ आत आउर परीक्षा चो बेरा बहकुन जाऊ आत।

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

2 तीमुथियुस 2:18

जोन ऐ बोलुन भाती कि जीव उठतोर होऊन चुकली से सत ले भटकुन गेला से, आउर कितलो चो बिश्वास के उलटा पुलटा करून देऊ आत।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1 पतरस 1:1

पतरस चो बाटले जोन ईशु मसीह चो पठालोबिता आय, हुन परदेशीमन चो नाव जोन पुन्तुस, गलातिया, कप्पदुकिया, आसिया आउर बितूनिया ने जत-खत होऊन भाती रऊ आत,

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

1यूहन्ना 2:19

हुनमन निकरला सोत तो आमची थानले, मान्तर आमीमन थानचो रला नाई; कसनबल्लोने माना हुनमन आमीमन थानो होता, तेबे आमचो संगे रता; मान्तर निकरून ऐईकाजे गेला कि ऐ परकट होओ कि हुनमन सपाय आमीमन थानो नुआत।