लूका 22:29 - Halbi

²⁹ आउर जसन मोचो बुआ मोचो काजे गोटक राज ठेबालो से, असने ची मय बले तुमचो काजे ठेबायें से,

परमेस्वर को सच्चो वचन ख जाननू

²⁹ अर जसो मोरो बाप न मोरो लियो एक राज्य ठहरायो हैं, वसो ही मी भी तुम्हारो लियो ठहरात हूँ,

लूका 22:29 ပူးပေါင်းရင်းမြစ်များ

मत्ती 24:47

मय तुमचो ले सते बलें सें, हुन हुनके आपलो पुईतराय धन-माल थाने अधिकारी ठेबा ये दे।

मत्ती 25:21

हुनचो मालिक हुनचो ले बल्लो, ‘धन्य, हे अच्छा आउर बिश्वास लायक दास, तुय खिन्डिक ने बिश्वास लायक रलीस; मय तुके खुबे तीजमन चो अधिकारी बनायेंदें। आपलो मालिक चो हरिक ने सामिल हो।’”

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मत्ती 5:10

“धन्य आत हुनमन, जोन धारमिकता चो कारन कन्दराया जाऊ आत, कसनबल्लोने सरग चो राज हुनीमन चो आय।”

मत्ती 5:3

“धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

लूका 19:17

हुन हुनचो ले बल्लो, ‘धन्य, हे बड़ीया दास! तुय खुबे थोड़े ने बिश्वास लायक निकरलीस अदायं दस नंगर थाने अधिकार संगाव।’

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

2 कुरिन्थियो 1:7

आमचो आशा तुमचो बारे ने जमखम आय; कसनबल्लोने आमी जानु से कि तुमी जसन आमचो दुखमन ने, असने ची शान्ति ने बले शामिल हुआ।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

प्रकाशितवाक्य 21:14

नंगर चो बाड़ा चो बारा पायामन रली, आउर हुन थाने मेमना चो बारा पठालोबितामन चो बारा नाव लिकलोर रली।