लूका 21:34 - Halbi

³⁴ “ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

परमेस्वर को सच्चो वचन ख जाननू

³⁴ “एकोलाने होसियार (सावधान) रहनू, असो नी होय कि तुम्हारो मन खुस होय (खुमार) अर मतवालो पन, अर यू सरीर की चिन्ता हुन से लस्त हो जाहे, अर उ दिन तुम प फन्दा को जसो अचानक आ जाहे।

लूका 21:34 ပူးပေါင်းရင်းမြစ်များ

मत्ती 13:22

जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।

मरकुस 13:9

“मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

मरकुस 4:19

आउर जगत चो चिन्ता, आउर धन चो धोका, आउर दुसर तीजमन चो लोभ हुनमन ने भिडुन भाती बचन के चेपाऊन देऊ आय आउर हुन बिना फल चो रऊ आय।

लूका 10:41

परबु हुनके जबाप दिलो, “मारथा, हे मारथा; तुय खुबे गोठमन काजे चिन्ता करू आउर घबराऊ आस।

लूका 12:40

तुमी बले तिआर राहा; कसनबल्लोने जोन घड़ी चो बारे तुमी बिचारास बले नाई, हुनी समया माने चो बेटा ऐऊन जायेदे।”

लूका 17:3

ताक ने राहा; अगर तुचो भाई अपराध करो तेबे हुनके खिज, आउर अगर पचताओ तेबे हुनके छमा कर।

लूका 21:35

कसनबल्लोने हुन सपाय धरतनी चो सपाय रऊ बितामन उपरे असने परकार ऐऊन पड़े दे।

लूका 21:8

हुन बल्लो, “तिआर राहा कि भरमाया नी जाआ, कसनबल्लोने खुबे असन मोचो नाव ले ऐऊन भाती बोल दे, ‘मय हुनी आंय,’ आउर ऐ बले कि, ‘समया लगे अमरली से।’ तुमी हुनमन चो पाट-पाट नी जाआ।

लूका 8:14

जोन बुटामन ने घसरली, ऐ हुनमन आत जोन सुनु आत, मान्तर पयले जाऊन भाती चिन्ता, आउर धन, आउर जीवना चो सुख बिलास ने फसु आत आउर हुनमन चो फर नी पाके।

1 कुरिन्थियो 5:11

मान्तर मोचो कहना ऐ आय कि अगर कोनी भाई बलाय होऊन भाती, बेबीचारी, नाहले लोभाहा, नाहले मुरती पुजा करू, नाहले झगड़ा करतो बिता, नाहले मतवार, नाहले अंधार करू बिता होओ, तेबे हुनचो संगत नी कर; मान्तर असन माने चो संगे भात बले नी खा।

1 कुरिन्थियो 6:10

ना चोर, ना लोभीई, ना मतवार, ना झगड़ा करतो बिता, ना नशातो बितामन माहापुरू चो राज चो बेटा होदे।

गलातियो 5:20

मुरती सेवा, टोनहा, बईर, झगड़ा, डाह, रीस, बिरूद, फूट, बिधरम,

फिलिप्पियो 4:6

कोनी बले गोठ चो चिन्ता नी करा; मान्तर हरकोनी गोठ ने तुमचो गुहार, पारथना आउर गुहार चो दुआरा धन्यबाद चो संगे माहापुरू चो पुरे हाजिर करा जाओ।

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

2 पतरस 3:10

मान्तर परबु चो दिन चोर चो असन ऐये दे, हुन दिने बादरी बड़े घुड़-घुड़ चो शब्द ले जाते रये दे आउर तत्व खुबे ची तपुन भाती गलुन जादे आउर धरतनी आउर हुन थानचो काम जरून जाय दे।

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”