लूका 20:38 - Halbi

³⁸ माहापुरू तो मरलोमन चो नुआय मान्तर जीवतामन चो माहापुरू आय: कसनबल्लोने हुनचो लगे सपाय जीव आसोत।”

परमेस्वर को सच्चो वचन ख जाननू

³⁸ परमेस्वर ते मुरदो को नी परन्तु जिन्दो को प्रभु हैं: काहेकि ओको नजीक म सब जिन्दो आय।”

लूका 20:38 ပူးပေါင်းရင်းမြစ်များ

मत्ती 22:32

‘मय अब्राहाम चो माहापुरू, आउर इसाक चो माहापुरू, आउर याकूब चो माहापुरू आंय’? हुन मरलोमन चो नाई, मान्तर जीवतामन चो माहापुरू आय।”

मरकुस 12:27

माहापुरू मरलो बितामन चो नुआय मान्तर जीवतामन चो माहापुरू आय; आउर तुमी बड़े धोका ने पड़लासास।”

लूका 20:39

तेबे ऐ सुनुन भाती शास्तरीमन थानले कितलो ऐ बल्ला, “हे गुरू, तुय अच्छा बल्लीस।”

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

इब्रानियो 11:16

मान्तर हुनमन गोटक बड़ीया बल्लोने सरगर देश चो इच्छुक आत; ऐईकाजे माहापुरू हुनमन चो माहापुरू बलाय जातो ने हुनमन ले नी लाज होये, कसनबल्लोने हुन हुनमन चो काजे गोटक नंगर तिआर करलो से।

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती