लूका 20:16 - Halbi

¹⁶ हुन ऐऊन भाती हुन किसानमन के नाश करे दे, आउर अंगुर चो बनवाड़ी दुसर के सोपे दे।” ऐ सुनुन भाती हुनमन बल्ला “माहापुरू करो असन नी होओ।”

परमेस्वर को सच्चो वचन ख जाननू

¹⁶ उ आ ख उन किरसान हुन का नास करेगों, अर दाख की खेत दुसरो का सोपेगो। यू सुन ख उन्होना कय्हो, “परमेस्वर करे असो नी हो पाए।”

लूका 20:16 ပူးပေါင်းရင်းမြစ်များ

मत्ती 21:34

जिदलदाय फर चो समया लगे ईली, तेबे हुन आपलो दासमन के हुनचो फर धरतो काजे किसानमन चो लगे पठालो।

मत्ती 21:41

हुनमन हुनचो ले बल्ला, “हुन-हुन खराप लोगमन के खराप रीति ले नष्ट करे दे; आउर दाख चो बनवाड़ी चो ठेका दुसर किसानमन के देयेदे, जोन समया थाने हुनके फर देदे।”

मत्ती 22:7

तेबे राजा के रीस ईली, आउर हुन आपलो सेना पटाऊन भाती हुन हत्यारामन चो नाश करलो, आउर हुनमन चो नंगर के जला लो।

मरकुस 12:9

“ऐईकाजे दाख चो बनवाड़ी चो मालिक काय करे दे? हुन ऐऊन भाती हुन किसानमन के नाश करे दे, आउर दाख चो बनवाड़ी के दुसर के देये दे।

लूका 19:27

मान्तर मोचो हुन बयरीमन के जोन नी चाहते रवत कि मय हुनमन उपरे राज करे, हुनमन के ऐथा आनुन भाती मोचो पुरे घात करा’।”

लूका 20:15

आउर हुनमन हुनके अंगुर चो बनबाड़ी ले बाहरे निकराऊन भाती मारला। ऐईकाजे अंगुर चो बनवाड़ी चो मालिक हुनमन चो संगे काय करे दे?

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

रोमियो 11:1

ऐईकाजे मय बलेंसें, काय माहापुरू आपलो परजा के छांडुन दिलो? केबीई नाई! मय बले तो इस्राएली आंय, अब्राहाम चो बंश आउर बिन्यामीन चो बंश थानले आंय।

रोमियो 11:11

आउर मय बलेंसें काय हुनमन ऐईकाजे ठोकर खादला कि घसरुन पड़ोत? केबीई नाई! मान्तर हुनमन चो घसरतोर लागुन दुसर जातिमन के मुक्ति मिरली, कि हुनमन के जलन होओ।

रोमियो 3:31

तेबे काय आमी नियम के बिश्वास चो बाटले फकाहा ठेबाऊ से? केबीई नाई! मान्तर नियम के थीर करूं से।

रोमियो 3:4

केबीई नाई! मान्तर माहापुरू सत आउर सपाय माने फंदी ठेबाया जादे, जसन लिकलोर आसे, “जेचो ले तुय आपलो गोठमन ने धरमी हो से आउर नियाय करतो समया तुय जय पाव।”

रोमियो 3:6

केबीई नाई! नाहले तो माहापुरू कसन जगत चो नियाय करे दे?

रोमियो 6:15

तेबे काय होली? काय आमी ऐईकाजे पाप करवां कि आमी नियम चो अधीन निआव मान्तर अनुग्रह चो अधीन ने आंसु? केबीई नाई!

रोमियो 6:2

केबीई नाई! आमी जिदलदाय पाप चो काजे मरून गेलु तेबे फेर पयले ले हुन थाने कसन जीवना बितावां?

रोमियो 7:13

तेबे काय हुन जोन अच्छा रली, मोचो काजे मरना ठेबली? केबीई नाई! मान्तर पाप हुन अच्छा तीज चो बाटले मोचो काजे मरना चो पयदा करतो बिता होलो कि हुनचो पाप होतोर उजागर होओ, आउर हुकुम चो बाटले पाप खुबे ची पापमय ठेबो।

रोमियो 7:7

तेबे आमी काय बलवां? काय नियम पाप आय? केबीई नाई! मान्तर बिना नियम चो मय पाप के नी चितायें नियम अगर नी बोलती, कि लालच नी कर तेबे मय लालच के नी जानते।

रोमियो 9:14

ऐईकाजे आमी काय बलवां? काय माहापुरू चो थाने अनियाय आसे? केबीई नाई।

1 कुरिन्थियो 6:15

काय तुमी नी जानास कि तुमचो देंह मसीह चो अंग आय? तो काय मय मसीह चो अंग धरून भाती हुनमन के बेश्या चो अंग बनायेंदें? केबीई नाई।

गलातियो 2:17

आमी जोन मसीह ने धरमी ठेबतोर चाहाऊं से, अगर खुद ची पापी निकरूं दे तेबे काय मसीह पाप चो सेवक आय? केबीई नाई!

गलातियो 3:21

तेबे काय नियम माहापुरू चो बायदामन चो बिरूद ने आसे? केबीई नाई! कसनबल्लोने अगर असन नियम दिया जाति जोन जीव देऊक सकती, तेबे सत-सत धारमिकता नियम ले होती।

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।