लूका 2:11 - Halbi

¹¹ कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

परमेस्वर को सच्चो वचन ख जाननू

¹¹ कि आज दाऊद को नगर म तुम्हारो लाने एक उध्दार कर्ता दाता पैदा भयो हैं, अर उही प्रभु यीसु मसी आय।

लूका 2:11 ပူးပေါင်းရင်းမြစ်များ

मत्ती 1:16

याकूब ले यूसुफ जनम होलो, जोन मरियम चो मुनुक रलो, आउर मरियम ले ईशु जनम होलो जोन के लोग मसीह बलु आत।

मत्ती 1:21

हुन बेटा जनमायदे आउर तुय हुनचो नाव ईशु संगाव, कसनबल्लोने हुन आपलो लोगमन चो हुनमन चो पापमन ले मुक्ति करेदे।”

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 16:20

तेबे हुन चेलामन के हुसीयार करलो कि कोचीई ले नी बल्ला कि मय मसीह आय।

लूका 1:43

ऐ अनुग्रह मोके काहां ले होली कि मोचो परबु चो आया मोचो लगे ईली?

लूका 1:69

आउर आपलो सेवक दाऊद चो घर ने आमचो काजे गोटक मुक्ति चो सींग निकरालो,

लूका 2:26

आउर पवितर आत्मा बाटले हुनचो उपरे उजागर होऊ रली कि जिदलदाय ले हुन परबु चो मसीह के नी दके, हुदलदाय ले मरना के नी दके दे।

लूका 2:4

आउरी यूसुफ बले ऐईकाजे कि हुन दाऊद चो घर आउर बंश चो रलो, गलील चो नासरत नंगर ले यहूदिया ने दाऊद चो नंगर बैतलहम ने गेलो,

यूहन्ना 1:41

हुन पयले आपलो खुद भाई शिमोन के भेटुन भाती हुनचो ले बल्लो, “आमके तो ख्रिस्त, बल्लोने मसीह मिरलो।”

यूहन्ना 1:45

फिलिप्पुस नतनएल के भेट होलो आउर हुनचो ले बल्लो, “जेचो बरनन मूसा नियम ने आउर अगम गिआनीमन करला सोत, हुन आमके मिरली; हुन यूसुफ चो बेटा, ईशु नासरी आय।”

यूहन्ना 11:27

हुन हुनचो ले बल्ली, “हव हे परबु, मय बिश्वास करें से कि माहापुरू चो बेटा मसीह जोन जगत ने ऐतो बिता रये, हुन तुय ची आस।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 4:25

बायले लेकी हुनचो ले बल्ली, “मय जाने से कि मसीह जोन ख्रिस्त बलाया जाऊ आय, ऐतो बिता आय; जिदलदाय हुन ऐये दे, तेबे आमके सपाय गोठमन सांगुन देये दे।”

यूहन्ना 4:42

आउर हुन बायले लेकी के बल्ला, “अदायं आमी तुचो बोलतोर ची ले बिश्वास नी करू; कसनबल्लोने आमी खुदे ची सुनलु, आउर जानु से कि ऐई सते जगत चो मुक्ति करू आय।”

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

यूहन्ना 7:41

दुसरमन बल्ला, “ऐ मसीह आय।” मान्तर आदो बल्ला, “केंव? काय मसीह गलील ले ऐये दे?

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

प्रेरितो 13:23

ऐचीई कुल थानले माहापुरू आपलो बायदा चो अनुसार इस्राएल चो लगे गोटक मुक्तिकरू, बल्लोने ईशु के पठालो।

प्रेरितो 17:3

आउर हुनमन चो मतलब खोलुन-खोलुन समजाते रलो कि मसीह के दुख उठातोर, आउर मरलो बितामन थानले जीव उठतोर, जरूरी रये; आउर “ऐई ईशु जेचो मय तुमके कथा सुनाय से, मसीह आय।”

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

1 कुरिन्थियो 15:47

पईल माने धरतनी ले बल्लोने माटी चो रलो; दुसर माने सरग चो आय।

फिलिप्पियो 2:11

आउर माहापुरू बुआ चो महिमा चो काजे हरकोनी जीब अंगीकार करोत कि ईशु मसीह ची परबु आय।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।