लूका 19:47 - Halbi

⁴⁷ हुन रोजे दिना मंदिर ने उपदेश करते रलो; आउर परधान याजक आउर शास्तरी आउर लोगमन चो मुखिया हुनके नष्ट करतोर मवका डगराते रवत।

परमेस्वर को सच्चो वचन ख जाननू

⁴⁷ उ हर रोज मन्दिर म सिक्छा करत हतो; अर मुखिया याजक अर सासतिरी अर लोग हुन को प्रमुख ओ ख नास करन का बखत ढूँढ़त रह।

लूका 19:47 ပူးပေါင်းရင်းမြစ်များ

मत्ती 21:23

हुन मंदिर ने जाऊ भाती उपदेश करते रलो, तेबे परधान याजकमन आउर लोगमन चो सियानमन हुनचो लगे ऐऊन भाती पचारला, “तुय ऐ काम काचो अधिकार ले कर सीस? आउर तुके ऐ अधिकार कोन दिलो?”

मत्ती 26:55

हुन समया ईशु भीड़ ले बल्लो, “काय तुमी खंडामन आउर ठेंगामन धरून भाती मोके डाकु चो असन धरतो काजे निकरलासास? मय रोजे दिना मंदिर ने बसुन भाती उपदेश देते रले, आउर तुमी मोके नी धरलास।

मरकुस 11:18

ऐ सुनुन भाती परधान याजक आउर शास्तरीमन हुनके मारतोर मवका डगराला; कसनबल्लोने हुनमन हुनचो ले डरते रवत, ऐईकाजे कि सपाय लोग हुनचो उपदेश ले भक्याते रवत।

मरकुस 12:12

तेबे हुनमन हुनके धरूक चाहला; कसनबल्लोने समजुन रवत कि हुन आमचो बिरूद ने ऐ कहनी बल्लो से। मान्तर हुनमन लोगमन ले डरला, आउर हुनके छांडुन भाती गेला।

मरकुस 14:1

दुय दिन चो पाचे फसह आउर अखमीरी रोटी चो तिआर होतो बिती रली। परधान याजक आउर शास्तरीमन ऐ गोठ चो खोज ने रवत कि हुनके कसन छंद ले धरून भाती मारूदें;

मरकुस 14:49

मय तो रोजे दिना मंदिर ने तुमचो संगे रऊन भाती उपदेश देते रले, आउर तेबे तुमी मोके नी धरलास: मान्तर ऐ ऐईकाजे होली कि पवितर शास्त्र चो गोठमन पुरा होओ।”

लूका 19:48

मान्तर काई उपाय नी निकराऊक सकला कि ऐ कसन परकार करवां, कसनबल्लोने सपाय लोग बड़े चाव ले हुनचो सुनते रवत।

लूका 20:19

हुनी घड़ी शास्तरीमन आउर परधान याजकमन हुनके धरूक चाहला, कसनबल्लोने हुनमन समजुन रवत कि हुन आमचो उपरे ऐ कहनी बल्लो, मान्तर हुनमन लोगमन ले डरला।

यूहन्ना 10:39

तेबे हुनमन फेर हुनके धरतो काजे कोशिश करला मान्तर हुन फेर हुनमन चो हाथ ले निकरून गेलो।

यूहन्ना 18:20

ईशु हुनके जबाप दिलो, “मय संवसार ले खुलुन भाती गोठयाले; मय आराधना घरमन ने आउर मंदिर ने, जाहां सपाय यहूदी रूंड़ा होऊ आत, हरमेशा उपदेश करले आउर गुपत ने काई बले नी बल्ले।

यूहन्ना 7:19

काय मूसा तुमके नियम नी दिलो? तेबले बले तुमचो थानले कोनी नियम थाने नी चलास। तुमी केंव मोके मारून देऊक चाहाय साहास?”

यूहन्ना 7:44

हुनमन थानले आदो हुनके धरूक चाहते रवत, मान्तर कोनी हुनचो उपरे हाथ नी डालला।