लूका 18:43 - Halbi

⁴³ तेबे हुन तुरते दकुक मुरयालो आउर माहापुरू चो बड़ाई करते-करते हुनचो पाट-पाट गेलो; आउर सपाय लोगमन दकुन भाती माहापुरू चो स्तुति करला।

परमेस्वर को सच्चो वचन ख जाननू

⁴³ तब उ तुरंत देखन लग गयो अर परमेस्वर की बड़ाई करत हुयो ओको पाहु चल दियो अर सब लोग न देख ख परमेस्वर की स्तुति करी।

लूका 18:43 ပူးပေါင်းရင်းမြစ်များ

मत्ती 11:5

कि काना दक सोत आउर खोड़ीयामन हिन्डे सोत बुलसोत, कोढ़ी शुद्ध करा जासोत आउर भयरामन सुन सोत, मुरदा जिआया जासोत, आउर कंगालमन के नगतखबर सुनाया जायसे।

मत्ती 21:14

तेबे काना आउर खोड़ीयामन, मंदिर ने हुनचो लगे ईला, आउर हुन हुनमन के चेंगा करलो।

मत्ती 9:8

लोग ऐ दकुन भाती भक्याला आउर माहापुरू चो महिमा करूक मुरयाला जोन मानेमन के असन अधिकार दिलोसे।

लूका 13:17

जिदलदाय हुन ऐ गोठमन बल्लो, तेबे हुनचो सपाय बिरूदी लाज होऊन गेला, आउर पुईतराय भीड़ हुन महिमा चो काममन ले जोन हुन करते रलो, हरिक होली।

लूका 19:37

लगे ऐते-ऐते जिदलदाय हुन जैतून डोंगरी चो उतरानी थाने अमरलो, तेबे चेलामन सपाय मण्डली हुन सपाय सामरत चो काममन चो कारन जोन हुनमन दकुन रवत, हरिक होऊन भाती बड़े जोर ले माहापुरू चो स्तुति करूक मुरयाला:

लूका 4:39

हुन हुनचो लगे उबा होऊन भाती जर के खिजलो आउर जर उतरून गेली, आउर हुन तुरते उठून भाती हुनचो सेवा-शासन करूक मुरयाली।

लूका 5:26

तेबे सपाय भक्याला आउर माहापुरू चो बड़ाई करूक मुरयाला आउर खुबे डरून भाती बोलुक मुरयाला, “आजी आमी भयंकर गोठमन दकलु से!”

लूका 9:43

तेबे सपाय लोग माहापुरू चो माहासामरत ले भकवा होला। मान्तर जिदलदाय सपाय लोग हुन सपाय काममन ले जोन हुन करते रलो, भक्याऊन रवत, तेबे हुन आपलो चेलामन ले बल्लो,

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

प्रेरितो 4:21

तेबे हुनमन-हुनमन के आउर धमकाऊन भाती छांडुन दिला, कसनबल्लोने लोगमन चो कारन हुनमन के डण्ड देतोर कोनी दाँव नी मिरली, ऐईकाजे कि जोन घटना होऊ रली हुनचो कारन सपाय लोग माहापुरू चो बड़ाई करते रवत।

गलातियो 1:24

आउर हुन मोचो बारे ने माहापुरू चो महिमा करते रली।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।