लूका 18:23 - Halbi

²³ हुन ऐ सुनुन भाती खुबे मुरमुरा होलो, कसनबल्लोने हुन बड़े सवकार रये।

परमेस्वर को सच्चो वचन ख जाननू

²³ उ यू सुन ख बेजा उदास भयो, काहेकि उ बड़ो धनी हतो।

लूका 18:23 ပူးပေါင်းရင်းမြစ်များ

मत्ती 19:22

मान्तर हुन जुआन ऐ गोठ सुनुन मुरमुरा होऊन भाती गेलो, कसनबल्लोने हुन खुबे सवकार रये।

मरकुस 10:22

ऐ गोठ ले हुनचो थोमना मुरूस नाय होली, आउर हुन दुक होऊन भाती गेलो, कसनबल्लोने हुन खुबे सवकार रये।

लूका 12:15

आउर हुन हुनमन ले बल्लो, “तिआर राहा, आउर सपाय परकार चो लोभ ले आपन खुद के बचाऊन संगाआ; कसनबल्लोने कोचीई जीवना हुनचो धन-माल चो खुबे होलोर ले नी होये।”

लूका 18:22

ऐ सुनुन भाती ईशु हुनचो ले बल्लो, “तुचो थाने ऐबे बले गोटक गोठ चो कमी आसे, आपलो सपाय काई बिकुन भाती कंगालमन के बाटुन देस; आउर तुके सरग ने धन मिरे दे, आउर ऐऊन भारी मोचो पाट-पाट हो।”

लूका 18:24

ईशु हुनके दकुन भाती बल्लो, “सवकारमन चो माहापुरू चो राज ने ओलतोर कितलो मशकिल आय।

लूका 19:8

जक्कई उबा होऊन भाती परबु ले बल्लो, “हे परबु, दक, मय आपलो आदो धनमाल कंगालमन के देयें दें, आउर अगर काचीई काई बले अनियाय करून धरले से तो हुनके चार दुना लेवटाऊन देये दे।”

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

लूका 8:14

जोन बुटामन ने घसरली, ऐ हुनमन आत जोन सुनु आत, मान्तर पयले जाऊन भाती चिन्ता, आउर धन, आउर जीवना चो सुख बिलास ने फसु आत आउर हुनमन चो फर नी पाके।

इफिसीयो 5:5

कसनबल्लोने तुमी ऐ जानास कि कोनी बेबीचारी, नाहले अशुद्ध लोग, नाहले लोभीई माने चो, जोन मुरती पुजा चो बराबर आय, मसीह आउर माहापुरू चो राज ने हक निआय।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

1यूहन्ना 2:15

तुमी ना तो संवसार ले आउर नाहले जगत थानो तीजमन ले मया संगाहा। अगर कोनी संवसार ले मया संगाऊ आय, तेबे हुनचो थाने बुआ चो मया निआय।