लूका 18:12 - Halbi

¹² मय सपता ने दुयहार उपास संगाऊ आय; मय आपलो सपाय कमानी चो दसमांस बले देऊ आय।’

परमेस्वर को सच्चो वचन ख जाननू

¹² मी हफ्ता म दो बार उपवास रखत हूँ; मी अपनी सब कमाई का दसवां अंस भी देत हूँ।’

लूका 18:12 ပူးပေါင်းရင်းမြစ်များ

मत्ती 5:20

कसनबल्लोने मय तुमचो ले बलेंसे, कि अगर तुमचो धारमिकता शास्तरीमन आउर फरीसीमन चो धारमिकता ले बडुन भाती नी होओ, तेबे तुमी सरग चो राज ने केबे ओलुक नी सकासे।

मत्ती 6:1

“खबड़दार राहा! तुमी मानेमन के दकातो काजे आपलो धरम चो काम नी करा, नाहले आपलो सरग चो बुआ ले काई बले फल नी पाआसे।”

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:5

“जिदलदाय तुय पारथना कर से, तेबे कपटीमन चो असन नी हो, कसनबल्लोने लोगमन के दकातो काजे आराधना घरमन ने आउर सड़कमन चो मोड़या थाने उबा होऊन भाती पारथना करतोर हुनमन के अच्छा लागु आय। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 9:14

तेबे यूहन्ना चो चेलामन ईशु लगे ऐऊन भाती बल्ला, “काय कारन आय कि आमी आउर फरीसी ईतलो उपास करू आंव, मान्तर तुचो चेलामन उपास नी करोत?”

लूका 11:42

“मान्तर हे फरीसीमन, तुमचो उपरे हाय! तुमी पदीना आउर सुदाब चो आउर सपाय बरन-बरन चो साग डार चो दसवां भाग देऊ आस, मान्तर नियाय के आउर माहापुरू चो मया के टालुन देऊ आस; जरूरी तो रली कि ऐ मन के बले करते रतास आउर हुनमन के बले नी छांड़तास।

लूका 17:10

असन रीति ले तुमी बले जिदलदाय हुन सपाय काममन के करून चुका जेचो हुकुम तुमके दिया जाऊ रये, तेबे बोला, ‘आमी ठग दास आंव; कि जोन आमके करतोर रये आमी मात्र हुनी करलु से।’”

रोमियो 3:27

तो घमण्ड करतोर काहां रली? हुनचो तो जगा ची निआय। कोन-बिती नियम चो कारन ले? काय करममन चो नियम ले? नाई, मान्तर बिश्वास चो नियम चो लागुन।

1 कुरिन्थियो 1:29

बल्ले कोनी जीव माहापुरू चो पुरे घमण्ड नी करूक पाओ।

गलातियो 1:14

आपलो खुबे असन जाति बितामन ले जोन मचो हाल चो रवत, यहूदीमत ने खुबे ची बाड़ते जाते रये आउर आपलो बुआ दादीमन चो रीति रिवाजमन चो काजे खुबे ची हरिक रले।

इफिसीयो 2:9

आउर ना काममन चो लागुन, असन नी होओ कि कोनी घमण्ड करोत।

1तीमुथियुस 4:8

कसनबल्लोने देंह चो साधना ले कम लाब होऊ आय, मान्तर भक्ति सपाय गोठमन चो काजे लाब दायक आय, कसनबल्लोने ऐ समया चो आउर ऐतो बिती जीवना चो बले बायदा ऐचीई काजे आय।