लूका 17:16 - Halbi

¹⁶ आउर ईशु चो पाँयमन थाने पाटा पडुन घसरुन भाती हुनचो धन्यबाद करूक मुरयालो; आउर हुन सामरी रये।

परमेस्वर को सच्चो वचन ख जाननू

¹⁶ अर यीसु को पाय म अवधो मुंड़ो गिड ख ओको धन्यवाद करन लग गयो; अऊर उ सामरी हतो।

लूका 17:16 ပူးပေါင်းရင်းမြစ်များ

मत्ती 10:5

ऐ बारहो के ईशु ऐ हुकुम देऊन भाती पठालो, “दुसर जातिमन चो बाटे नी जाहा, आउर सामरीमन चो कोनी नंगर ने नी ओला।

मत्ती 2:11

आउर हुन घर ने अमरून भाती हुन पिला के हुनचो आया मरियम चो संगे दकला, आउर पाटा पडुन भाती पिला के जुहार करला, आउर आपलो-आपलो थयला खोलुन भाती हुनके सोना, आउर लोबान, आउर बास बिती तेल चो भेट चेगाला।

मरकुस 5:33

तेबे हुन बायले लेकी ऐ जानुन भाती कि मोचो कसन भलाई होली से, डरते आउर थरथरते ईली, आउर हुनचो पाँयमन थाने घसरुन भाती हुनचो ले सपाय हाल सत-सत बोलुन दिली।

लूका 17:17

ऐ थाने ईशु बल्लो, “काय दस झान शुद्ध नी होला, तो फेर हुन नव झान काहां आसोत?

लूका 5:8

ऐ दकुन शिमोन पतरस ईशु चो पाँय ने घसरलो आउर बल्लो, “हे परबु, मोचो लगले जा, कसनबल्लोने मय पापी मनुक आय!”

यूहन्ना 4:9

हुन सामरी बायले लेकी हुनचो ले बल्ली, “तुय यहूदी होऊन भाती मय सामरी बायले लेकी ले कसन पानी मांग सीस?” (कसनबल्लोने यहूदी सामरीमन चो संगे कोनी परकार चो बेवहार नी संगावत।)

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

यूहन्ना 8:48

ऐ सुनुन भाती यहूदीमन हुनचो ले बल्ला, “काय आमी नुकु नी बोलु से कि तुय सामरी आस, आउर तुचो थाने दुष्टआत्मा आसे?”

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

1 कुरिन्थियो 14:25

आउर हुनचो मन चो भेद उजागर होऊन जाये दे, आउर तेबे हुन पाटा पडुन घसरुन भाती माहापुरू के पाँय पड़े दे, आउर माने दे कि सत-सत माहापुरू तुमचो मंजी ने आसे।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 4:10

तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।