लूका 17:1 - Halbi

¹ फेर ईशु आपलो चेलामन ले बल्लो, “ऐ होऊक सके कि हुन गोठमन जोन पाप चो कारन आय, ऐये दे मान्तर हाय, हुन माने उपरे जेचो कारन हुनमन ऐऊ आय!

परमेस्वर को सच्चो वचन ख जाननू

¹ फिर यीसु न अपना चेला हुन से कय्हो, “हो नी सका कि ठोकर नी लगे, पर धितकार ओपर जेको वजे से उ धोका खावा हैं!”

लूका 17:1 ပူးပေါင်းရင်းမြစ်များ

मत्ती 16:23

हुन उलटुन भाती पतरस ले बल्लो, “हे शयतान, मोचो पुरे ले दूर हो! तुय मोचो काजे ठोकर चो कारन आस; कसनबल्लोने तुय माहापुरू चो गोठमन थाने नाई, मान्तर मानेमन चो गोठमन थाने मन लगाऊ आस।”

मत्ती 18:7

ठोकरनामन चो लागुन जगत उपरे हाय! ठोकरनामन चो लगतोर जरूरी आय; मान्तर हाय हुन माने चो उपरे जेचो लागुन ठोकरना लगु आय।

लूका 16:31

हुन हुनचो ले बल्लो, ‘जिदलदाय हुनमन मूसा आउर अगम गिआनीमन चो नी सुनोत, तेबे अगर मरलो बितामन थानले कोनी जीव बले उठ दे तेबले बले हुनचो नी मान दे’।”

रोमियो 14:13

आउर पयले ले आमी गोटक दुसर थाने दोष नी लगाऊं, मान्तर तुमी ऐ ठानुन राआ कि कोनी आपलो भाई चो पुरे ठेच नाहले ठोकरना खातोर कारन नी संगाहा।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

1 कुरिन्थियो 10:32

तुमी ना यहूदीमन, ना यूनानीमन, आउर ना माहापुरू चो कलीसिया चो काजे ठोकर चो कारन बना।

1 कुरिन्थियो 11:19

कसनबल्लोने दल बन्दी बले तुमनमन ने जरूर होयेदे, ऐईकाजे कि जोन लोग तुमनमन ने खर आसोत हुनमन परकट होऊन जादे।

1 कुरिन्थियो 8:13

ऐ लागुन ऐई भात मोचो भाईमन के ठोकरना खुआ ओ, तेबे मय केबीई कोनी रीति ले मास नी खाये, नी होओ कि मय आपलो भाई चो काजे ठोकरना चो कारन बनेंदें।

1तीमुथियुस 4:1

मान्तर आत्मा छुकछुका ले बले से कि ऐतो बिती समयामन ने कितलो लोग भरमातो बिती आत्मामन, आउर दुष्टआत्मामन चो सिक्यामन थाने मन लगाऊन भाती बिश्वास ले भहकुन जादे।

प्रकाशितवाक्य 2:14

“मान्तर मोके तुचो बिरूद काई गोठमन बोलतोर आसे, कसनबल्लोने तुचो थाने कितलो असन आसोत, जोन बिलाम चो सिक्या के मानु आत, जोन बालाक के इस्राएलीमन चो पुरे ठोकरना चो कारन संगाऊक सिकालो कि हुनमन मुरतीमन थाने चेगालो बिती तीजमन खाओत आउर बेबीचार करोत।”

प्रकाशितवाक्य 2:20

“मान्तर मोके तुचो बिरूद ऐ बोलतोर आय कि तुय हुन बायले लेकी इजेबेल के रऊक देऊ आस जोन आपन खुद के अगम गिआनीन बोलु आय, आउर मोचो दासमन के बेबीचार करतोर आउर मुरतीमन चो पुरे चेगालो बिती जातिमन खातोर सिकाऊन भाती भरमाऊ आय।”