लूका 16:24 - Halbi

²⁴ तेबे हुन चिचयाऊन भाती बल्लो, ‘हे बुआ अब्राहाम, मोचो उपरे दया करून लाजर के पटाऊन देस, बल्ले हुन आपलो अंडकी चो तिप पानी ने भिजाऊन भाती मोचो जीब के सितर करो, कसनबल्लोने मय ऐ आईग ने तड़पे सें।’

परमेस्वर को सच्चो वचन ख जाननू

²⁴ तब ओ न पुकार कर कय्हो, ‘हे पिता अब्राहम, मोरो पर दया कर ख लाजर का भेज दे, ताकि उ अपनी उँगली का सिरा का पानी म भिगोकर मोरी जीभ का ठंडो करे, काहेकि मी इ आगी म तड़प रय्हो हूँ।’

लूका 16:24 ပူးပေါင်းရင်းမြစ်များ

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 3:9

आउर आपलो-आपलो मन ने ऐ नी बिचारा, कि आमचो बुआ अब्राहाम आय; कसनबल्लोने मय तुमचो ले बलेंसे, कि माहापुरू ऐ पकनामन ले अब्राहाम चो काजे पिला जनमाऊक सके।

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

लूका 16:30

हुन बल्लो, ‘नाई, हे बुआ अब्राहाम; मान्तर अगर कोनी मरलो बितामन थानले हुनमन चो लगे जादे, तेबे हुनमन मन फिरा दे।’

लूका 19:9

तेबे ईशु हुनचो ले बल्लो, “आजी ऐ घर ने मुक्ति ईली से, ऐईकाजे कि ऐ बले अब्राहाम चो गोटक बेटा आय।

लूका 3:8

आउर मन फिराव चो लायक फल आना, आउर आपलो-आपलो मन ने ऐ नी बिचारा कि आमचो बुआ अब्राहाम आय; कसनबल्लोने मय तुमचो ले बलें सें कि माहापुरू ऐ पकनामन ले अब्राहाम चो काजे पिला जनमाऊक सके।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 7:37

परब चो आखरी दिन, जोन मुख्य दिन आय, ईशु उबा होलो आउर हाग देऊन भाती बल्लो, “अगर कोनी प्यासा आसे तेबे मोचो लगे ऐओ आउर पिओ।

रोमियो 4:12

आउर हुन खतना करलो बितामन चो बुआ होओ, जोन ना मात्र खतना कराय होलोर आत, मान्तर आमचो बुआ अब्राहाम चो हुन बिश्वास चो लिकलो थाने बले चलु आत जोन हुन बिना खतना चो हाल ने करू रलो।

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

याकूब 2:13

कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय।

याकूब 3:6

जीब बले गोटक आईग आय; जीब आमचो धड़मन ने अधरम चो गोटक लोग आय, आउर पुईतराय देंह थाने कलंक लगाऊ आय, आउर जीवना जीवतो ने आईग लगाऊन देऊ आय, आउर नरक कुण्ड चो आईग ले जरते रऊ आय।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती