लूका 16:22 - Halbi

²² असन होली कि हुन कंगाल मरून गेलो, आउर सरग दूतमन हुनके धरून भाती अब्राहाम चो खोरा ने पोंहचाला। हुन सवकार बले मरलो आउर माटी दिया गेलो,

परमेस्वर को सच्चो वचन ख जाननू

²² असो भयो कि उ कंगाल मर गयो, अर स्वर्गदूत हुन न ओ ख लेकर अब्राहम की गोद म पहुँचायो। उ धनवान भी मरो अर गाड़ो गयो।

लूका 16:22 ပူးပေါင်းရင်းမြစ်များ

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 24:31

हुन तुरी चो बड़े शब्द चो संगे आपलो दूतमन के पटाये दे, आउर हुनमन बादरी चो ऐ पाट ले हुनपाट तक, भोंवरक ले हुनचो चुनलो बितामन के रून्डाये दे।”

मत्ती 8:11

आउर मय तुमचो ले बलेंसे कि पूरब आउर पश्चिम ले खुबे असन लोग ऐऊन भाती अब्राहाम आउर इसाक आउर याकूब चो संगे सरग चो राज ने बसदे।

मरकुस 8:36

अगर माने सपाय जगत के पाये दे आउर आपलो जीव चो हानि उठाये दे, तेबे हुनके काय लाब होये दे?

लूका 12:20

मान्तर माहापुरू हुनचो ले बल्लो, ‘हे मुरूक! आजी राती तुचो जीव तुचो ले धरा जाये दे; तेबे जोन काई तुय रूंड़ा करली सीस हुन काचो होयेदे?’

लूका 16:21

आउर हुन चाहते रलो कि सवकार चो टेबुल थानचो झूठा ले आपलो पेट भरो; ऐथा ले कि कुकूरमन बले ऐऊन भाती हुनचो घावमन के चाटते रवत।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 13:23

हुनचो चेलामन थानले गोटक जेके ईशु मया संगाते रलो, ईशु चो छाती बाटे लोऊन भाती बसुन रये।

यूहन्ना 21:20

पतरस पलटून भाती हुन चेला के पाट-पाट ऐतोर दकलो, जेचो ले ईशु मया संगाते रलो, आउर जेचो ले खातो समया हुनचो छाती चो बाटे लोऊन भाती पचारलो, “हे परबु, तुचो धरातो बिता कोन आय?”

इब्रानियो 1:14

काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

याकूब 1:11

कसनबल्लोने बेर उदते ची चड़ चड़ा घाम छेकु आय आउर लाटा के सुकान देऊ आय, आउर हुनचो फुल झडुन जाऊ आय आउर हुनचो सुन्दर जाते रऊ आय। असने परकार सवकार बले आपलो बाट थाने हिन्ड़ते-हिन्ड़ते धुरला ले मिलुन जायदे।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”