लूका 16:15 - Halbi

¹⁵ हुन हुनमन ले बल्लो, “तुमी तो मानेमन चो पुरे आपन खुद के धरमी ठेबाऊ आस, मान्तर माहापुरू तुमचो मन के जानु आय, कसनबल्लोने जोन तीज मानेमन चो नजर ने बड़े आय, हुन माहापुरू चो लगे घिन-घिना आय।

परमेस्वर को सच्चो वचन ख जाननू

¹⁵ यीसु न उनसे कय्हो, “तुम ते अदमी का सामे अपन तुम का धर्मी ठहरात हो, परन्तु परमेस्वर तुम्हारो मन का जानत हैं, काहेकि जे वस्तु अदमी की नजर म महान हैं, उ परमेस्वर को नजीक म बुरी चिज आय।”

लूका 16:15 ပူးပေါင်းရင်းမြစ်များ

मत्ती 23:5

हुनमन आपलो सपाय काम लोगमन के दकातो काजे करू आत हुनमन आपलो ताबिजमन के ओसार करू आत आउर आपलो फटीईमन चो धड़ी बड़ाऊ आत।

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:2

“ऐईकाजे जिदलदाय तुय दान करसे, तेबे आपलो पुरे तुरी नी बजाव, जसन कपटी, सभामन आउर खोरीमन ने करू आत, बल्ले लोग हुनमन चो बड़ाई करोत। मय तुमचो ले सते बलेंसे कि हुनमन आपलो ईनाम पाऊन चुकला।

मत्ती 6:5

“जिदलदाय तुय पारथना कर से, तेबे कपटीमन चो असन नी हो, कसनबल्लोने लोगमन के दकातो काजे आराधना घरमन ने आउर सड़कमन चो मोड़या थाने उबा होऊन भाती पारथना करतोर हुनमन के अच्छा लागु आय। मय तुमचो ले सते बलें सें कि हुनमन आपलो ईनाम पाऊन चुकला।

लूका 10:29

मान्तर हुन आपन खुद के धरमी ठेबातोर इच्छा ले ईशु ले पचारलो, “तो मोचो पड़ोसी कोन आय?”

लूका 11:39

परबु हुनचो ले बल्लो, “हे फरीसीमन, तुमी बटकामन आउर थारी के उपर-उपर ले मांजेसास, मान्तर तुमचो भीतरे अंधार आउर दुष्टता भरली से।

लूका 18:11

फरीसी उबा होऊन भाती आपलो मन ने असन पारथना करूक मुरयालो, ‘हे माहापुरू, मय तुचो धन्यबाद करें से कि मय दुसर माने चो असन गलत करतो बिता, ओनियायी आउर बेबीचारी नुआय, आउर ना ऐ कर धरू बितामन चो असन आय।

लूका 18:14

मय तुमचो ले बलेंसें कि हुन दुसर नुआय, मान्तर ऐई माने धरमी ठेबाया जाऊन भाती आपलो घरे गेलो; कसनबल्लोने जोन कोनी खुद के बड़े बनाये दे, हुन नानी करा जाये दे; आउर जोन खुद के नानी बनाये दे, हुन बड़े करा जाये दे।”

लूका 18:21

हुन बल्लो, “मय तो ऐ सपाय के पिला बेरा ले मानते ऐयें से।”

लूका 18:9

हुन हुनमन ले जोन आपलो उपरे भरसा संगाते रवत, कि आमी धरमी आंव, आउर दुसरमन के नीच जानते रवत, ऐ कहनी बल्लो:

लूका 20:20

आउर हुनमन हुनचो दाँव टाकला आउर खुदेयार पठाला कि धरम चो भेष धरून भाती हुनचो कोनी ना कोनी गोठ धरो, बल्ले हुनके मुखिया चो हाथे आउर अधिकार ने सोपुन देओ।

लूका 20:47

हुनमन रान्डीमन चो घर खाऊ आत, आउर दकातो काजे बड़ दाय ले पारथना करते रऊ आत, ऐमन खुबे डण्ड पावदे।”

यूहन्ना 2:25

आउर हुनके जरूरी नी रली कि माने चो बारे ने कोनी गोहई दे ओत, कसनबल्लोने हुन खुदे ची जानते रये कि माने चो मन ने काय आसे?

यूहन्ना 21:17

हुन तीसर हार हुनचो ले बल्लो, “हे शिमोन, यूहन्ना चो बेटा, काय तुय मोचो ले मया संगाऊ आस?” पतरस मुरमुरा होलो कि हुन हुनके तीसर हार असने ची बल्लो, “काय तुय मोचो ले मया संगाऊ आस?” आउर हुनचो ले बल्लो, “हे परबु, तुय तो सपाय काई जान सीस; तुय ऐ जानीस कि मय तुचो ले मया संगाऊ आंय।” ईशु हुनचो ले बल्लो, “मोचो मेंडामन के चराव।

प्रेरितो 1:18

(हुन अधरम चो कमाई ले गोटक बेड़ा घेनलो, आउर मुण्ड चो बल घसरलो आउर हुनचो पेट फाटून गेली आउर हुनचो सपाय ओन्डकीमन निकरून पढ़ली।

प्रेरितो 1:24

आउर ऐ पारथना करला, “हे परबु, तुय जोन सपाय चो मन जानु आस, ऐ उजागर कर कि ऐ मन दुनो ले तुय काके चुनली सीस,

प्रेरितो 15:8

मन चो जाचतो बिता माहापुरू हुनमन के बले आमचो असन पवितर आत्मा देऊन भाती हुनमन चो गोहई दिलो;

रोमियो 3:20

कसनबल्लोने नियम चो काममन ले कोनी जीव हुनचो पुरे धरमी नी ठेबदे ऐईकाजे कि नियम चो बाटले पाप चो पयचान होऊ आय।

रोमियो 8:27

आउर मनमन चो जाचतो बिता जाने कि आत्मा चो मनसा काय आय? कसनबल्लोने हुन पवितर लोगमन चो काजे माहापुरू चो इच्छा चो अनुसार बिनती करू आय।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

1 पतरस 3:4

मान्तर तुमचो लुकलो बिती आउर गुपत माने, नम्रता आउर मन चो दिनता चो अमर सजावट ले सजुन रवत, कसनबल्लोने माहापुरू चो नजर ने ऐचो मोल बड़े आय।

1 पतरस 5:5

असने परकार हे जुआनमन, तुमी बले सियानमन चो आधीन राहा, मान्तर तुमी सपाय चो सपाय गोटक दुसर चो सेवा चो काजे दिनता ले करांड बान्दुन राहा, कसनबल्लोने “माहापुरू मनमानीमन चो बिरूद करू आय मान्तर सोजमन उपरे अनुग्रह करू आय।”

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”