लूका 16:13 - Halbi

¹³ “कोनी दास दुय मालिकमन चो सेवा नी करूक सके कसनबल्लोने हुन तो गोटक ले बईर आउर दुसर ले मया संगाये दे; नाहले गोटक ले मिलुन रये दे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।”

परमेस्वर को सच्चो वचन ख जाननू

¹³ “कोई भी दास दो मालिक हुन की सेवा नी कर सकह: काहेकि उ ते एक से बुराई अऊर दुसरो से प्रेम रखनो या एक से मिल्यो रहेगो अऊर दुसरो ख तुच्छ जानेगो। तुम परमेस्वर अऊर धन दोई की सेवा नी कर सकह।”

लूका 16:13 ပူးပေါင်းရင်းမြစ်များ

मत्ती 4:10

तेबे ईशु हुनचो ले बल्लो, “हे शयतान दूर होऊन जा, कसनबल्लोने लिकलोर आसे: ‘तुय परबु आपलो माहापुरू के पाँय पड़, आउर मात्र हुनचेई उपास कर।’”

मत्ती 6:24

“कोनी माने दुय मालिकमन चो सेवा नी करूक सके, कसनबल्लोने हुन गोटक ले बईर आउर दुसर ले मया संगायदे, नाहले गोटक ले मिलुन रयदे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।

लूका 11:23

जोन मोचो संगे निआय हुन मोचो बिरूद ने आसे, आउर जोन मोचो संगे नी सकले हुन बिखरु आय।

लूका 14:26

“अगर कोनी मोचो लगे ऐओ, आउर आपलो बुआ आउर आया आउर बायले आउर पिलामन आउर भाईमन आउर भईनमन मान्तर आपलो जीव के बल्ले बेमया नी जाने, तेबे हुन मोचो चेला नी होऊक सके;

लूका 16:12

आउर अगर तुमी पराया धन ने सत नी थेबा से तो जोन तुमचो आय, हुनके तुमके कोन देये दे?

लूका 16:9

आउर मय तुमचो ले बलें सें कि अधरम चो धन ले आपलो काजे मीत बनाहा, बल्ले जिदलदाय हुन जाते रये दे तेबे हुन तुमके अमर डेरामन ने धरून नेओं।

लूका 9:50

ईशु हुनचो ले बल्लो, “हुनके मना नी करा; कसनबल्लोने जोन तुमचो बिरूद ने निआय, हुन तुमचो घाई आसे।”

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।