लूका 12:37 - Halbi

³⁷ धन्य आय हुन दास जोन के मालिक ऐऊन भाती चेता पाओ; मय तुमचो ले सते बलेंसें कि हुन करांड बान्दुन भाती हुनमन के भात खाऊक बसायेदे, आउर लगे ऐऊन भाती हुनमन चो सेवा करे दे।

परमेस्वर को सच्चो वचन ख जाननू

³⁷ धन्य हैं वी दास जेको मालिक आय जगते देखे मी तुम ख सच कहूँ हूँ कि उ कम्मर बाँध ख उन ख खाना खलान ख बैठाले, अर नजीक आँख उनकी सेवा करेगों।

लूका 12:37 ပူးပေါင်းရင်းမြစ်များ

मत्ती 24:42

ऐईकाजे चेत ने राहा, कसनबल्लोने तुमी नी जानास कि तुमचो परबु कोन दिने ऐये दे।

लूका 12:36

आउर तुमी हुन मानेमन चो समान बना, जोन आपलो मालिक चो बाट दके सोत कि हुन बिहा ले केबे आपस ऐये दे, कि जिदलदाय हुन ऐऊन भाती कपाट ठक ठकाओ तेबे हुदली ची दाय हुनचो काजे उगाढुन देओ।

लूका 12:43

धन्य आय हुन दास, जेके हुनचो मालिक ऐऊन भाती असने ची करते पाओ।

लूका 17:8

आउर ऐ नी बोलो, ‘मोचो भात तिआर कर, आउर जिदलदाय तक मय खाये पियें दें तेबे तक करांड बान्दुन भाती मोचो सेवा कर; ऐचो पाचे तुय बले खा आउर पिव’?

लूका 21:36

ऐईकाजे चेत ने राहा आउर हर समया पारथना करते राआ कि तुमी ऐ सपाय ऐतो बिती घटनामन ले बाचतोर आउर माने चो बेटा चो पुरे उबा होतोर लायक बना।”

लूका 22:27

कसनबल्लोने बड़े कोन आय, हुन जोन भोज थाने बसलो से, नाहले हुन जोन सेवा करू आय? काय हुन नुआय जोन भोज थाने बसलो से? मान्तर मय तुमचो मंजी ने कमया चो असन आंय।

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

1 कुरिन्थियो 2:9

मान्तर जसन लिकलोर आसे, “जोन गोठमन आँईकमन नी दकली आउर कान नी सुनली, आउर जोन गोठमन माने चो मन ने नी चेगली, हुनीमन ची आत जोन माहापुरू आपलो मया संगातो बितामन काजे तिआर करलो से।”

फिलिप्पियो 1:21

कसनबल्लोने मोचो काजे जीव रतोर मसीह आय, आउर मरून जातोर फायदा आय।

फिलिप्पियो 1:23

कसनबल्लोने मय दुनो चो मंजी ओट ने लटकले से; जीव तो चाहाय से कि देंह के छांडुन मसीह चो लगे जाऊन रयेंदे, कसनबल्लोने ऐ खुबे ची नुकु आय,

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 16:15

“दक, मय चोर चो असन ऐऊ आय; धन्य हुन आय जोन चेता रऊ आय, आउर आपलो फटीई चो राका करू आय कि बिन फटीई नी फिरो, आउर लोग हुनचो ढुमढ़ापन नी दकोत।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

प्रकाशितवाक्य 7:17

कसनबल्लोने मेमना जोन सिंघासन चो मंजी ने आसे हुनमन चो राका करेदे, आउर हुनमन के जीव रूपी पानी चो सतानमन चो लगे धरून नेयेदे; आउर माहापुरू हुनमन चो आँईकमन ले सपाय आँसु फुछुन देयदे।