लूका 12:28 - Halbi

²⁸ ऐईकाजे अगर माहापुरू भाटा चो लाटा के, जोन आजी आसे आउर काली के भट्टी ने जलाया जायेदे, असन पिन्दाऊ आय; तेबे हे अल्पबिश्वासीमन, हुन तुमके केंव नी पिंदाये?

परमेस्वर को सच्चो वचन ख जाननू

²⁸ एकोलाने जब भी परमेस्वर बररा कि घास ख, जे आज हैं अर कल आगी म झोकी जाएगो, असो पहिनावा हैं; ते अरे अल्प विस्वासी हुन, उ तुम ख काहे नी पहिना हे?

लूका 12:28 ပူးပေါင်းရင်းမြစ်များ

मत्ती 14:31

ईशु तुरते हाथ लमाऊन भाती हुनके धरलो आउर पतरस ले बल्लो, “हे अल्पबिश्वासी, तुय केंव संका करलीस?”

मत्ती 16:8

ऐ जानुन भाती, ईशु हुनमन ले बल्लो, “हे अल्पबिश्वासीमन, तुमी आपस ने केंव बिचार करेसास कि आमचो लगे रोटी निआय?

मत्ती 17:17

ईशु जबाप दिलो, “हे अन्दबिश्वासी आउर टेनाहा लोगमन, मय केब ले तुमचो संगे रयेंदें? केबे तक तुमचो सहेंदें? हुनके ऐथा मोचो लगे आना।”

मत्ती 17:20

हुन हुनमन ले बल्लो, “आपलो बिश्वास चो कमी चो लागुन, कसनबल्लोने मय तुमचो ले सते बलेंसें, अगर तुमचो बिश्वास राई चो बीज चो बराबर बले होती, तेबे ऐ डोंगरी ले बोलुक सका से, ‘ऐथा ले सरकुन भाती हुता जा’, तो हुन जायेदे; आउर कोनी गोठ तुमचो काजे मशकिल नी होये।

मत्ती 6:30

ऐईकाजे जिदलदाय माहापुरू भाटा चो लाटा के, जोन आजी आसे आउर काली के भाटी ने जलाया जायदे, असन फटीई पिन्दाऊ आय, तो हे अल्पबिश्वासीमन, तुमके हुन ऐमन ले बडुन भाती केंव नी पिंदाये?

मत्ती 8:26

हुन हुनमन ले बल्लो, “हे अल्पबिश्वासीमन, केंव डरेसास?” तेबे हुन उठून भाती लेहरा धुका आउर पानी के खिजलो, आउर सपाय शान्त होऊन गेली।

लूका 8:25

तेबे हुन हुनमन ले बल्लो, “तुमचो बिश्वास काहां रये?” मान्तर हुनमन डरला आउर भक्यान भाती आपस ने बोलुक मुरयाला, “ऐ कोन आय जोन लेहरा धुका आउर पानी के बले हुकुम देऊ आय, आउर हुनमन हुनचो मानु आत?”

इब्रानियो 6:7

कसनबल्लोने जोन भूईं बरसा चो पानी के, जोन हुनचो उपरे घन-घन पडु आय, पीऊन-पिऊन भाती जोन लोगमन चो काजे हुन जोपा बुना जाऊ आय हुनमन चो काम चो साग-डार उपजाऊ आय, हुन माहापुरू ले आशीष पाऊ आय।

1 पतरस 1:24

कसनबल्लोने “हरकोनी जीव लाटा चो असन आत, आउर हुनचो सपाय शोभा लाटा चो फुल चो असन आय। लाटा सुकुन जाऊ आय, आउर फुल झडुन जाऊ आय,