लूका 11:9 - Halbi

⁹ आउर मय तुमचो ले बलें सें कि मांगा, तेबे तुमके दिया जाये दे; डगराहा, तेबे तुमी पाहा से; ठक-ठकाहा, तेबे तुमचो काजे उगाढ़ा जाये दे।

परमेस्वर को सच्चो वचन ख जाननू

⁹ अऊर मी तुम से कहू हैं कि माँगो, ते तुम ख दियो जाहे; ढूँडे, ते तुम ख मिलेगो; खटखटाओ, ते तुमारो लाने खोलो जाहे।

लूका 11:9 ပူးပေါင်းရင်းမြစ်များ

मत्ती 21:22

आउर जोन काई तुमी पारथना ने बिश्वास ले मांगा हुन सपाय तुमके मिरेदे।”

मत्ती 21:31

ऐ दुनो झान ने कोन बुआ चो इच्छा पुरा करलो?” हुनमन बल्ला, “पयला।” ईशु हुनमन ले बल्लो, “मय तुमचो ले सते बलें सें कि कर धरू बिता आउर बेश्यामन तुमचो ले पयले माहापुरू चो राज ने ओले सोत।

मत्ती 6:29

तेबले बले मय तुमचो ले बलेंसे कि सुलेमान बले, आपलो पुईतराय धनमाल ने हुनमन थानले काचीई असन फटीई पिन्दुन नी रलो।

मरकुस 11:24

ऐईकाजे मय तुमचो ले बलें सें कि जोन काई तुमी पारथना करून मांगा, तेबे बिश्वास करा कि तुमके मिरून गेली, आउर तुमचो काजे होये दे।

मरकुस 13:37

आउर जोन मय तुमचो बलें सें, हुनी सपाय ले बलें सें: चेत ने राहा।”

लूका 11:10

कसनबल्लोने जोन कोनी मांगु आय, हुनके मिरू आय; आउर जोन डगराऊ आय, हुन पाऊ आय; आउर जोन ठक-ठकाऊ आय, हुनचो काजे उगाढ़ा जाये दे।

यूहन्ना 14:13

जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ।

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 15:7

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

2 कुरिन्थियो 6:2

कसनबल्लोने हुन तो बोलु आय, “आपलो हरिक चो समया मय तुचो सुनले, “आउर मुक्ति चो दिने मय तुचो सायता करले।” दका, ऐबे हुन हरिक चो समया आय; दका, ऐबे हुन मुक्ति चो दिन आय।

इब्रानियो 11:6

आउर बिश्वास बिना हुनके हरिक करतोर नी होऊक सके; कसनबल्लोने माहापुरू चो लगे ऐतो बितामन के बिश्वास करतोर आय कि हुन आसे, आउर आपलो डगरातो बितामन के करलो फल देऊ आय।

इब्रानियो 4:16

ऐईकाजे ईआ, आमी अनुग्रह चो सिंघासन चो लगे हिम्मत बान्दुन भाती चलुं कि आमचो उपरे दया होओ, आउर हुन अनुग्रह पाऊं जोन जरूरत चो समया आमचो सहायता करो।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 5:15

आउर बिश्वास चो पारथना चो दुवारा रोगी बाचुन जायदे आउर परबु हुनके उठाऊन भाती उबा करेदे; आउर अगर हुन पाप बले करलो से, तो हुनमन चो बले छमा होयदे।

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।

प्रकाशितवाक्य 2:24

“मान्तर तुमी थुआथीरा चो बाकी लोगमन ले, जितरो ऐ सिक्या के नी मानोत आउर हुन गोठमन के जोनमन के शयतान चो भेद गोठमन बोलु आत नी जानोत, ऐ बलेंसें कि मय तुमचो उपरे आउर बोज नी डालेंदे।”