यहूदा 1:4 - Halbi

⁴ कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

परमेस्वर को सच्चो वचन ख जाननू

⁴ काहेकि कितना असो अदमी चुपको से हम म आ मिल्या हैं, जिन को यू दण्ड को वरन पुरानो बखत म पहलो से लिखो गयो थो: या भक्तिहीन हैं, अऊर हमारो परमेस्वर को दया को लुचपन म बदल डालह हैं, अर मालिक अर प्रभू यीसु मसी ख मना करह हैं।

यहूदा 1:4 ပူးပေါင်းရင်းမြစ်များ

मत्ती 13:25

मान्तर जिदलदाय लोग सोहते रवत तेबे हुनचो बयरी ऐऊन भाती गऊँ चो मंजी रान बीज बुनुन जाते गेलो।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 15:24

आमी सुनलु से कि आमचो थानले कितलो झान हुता जाऊन भाती, तुमके आपलो गोठमन ले घबराऊन दिला; आउर तुमचो मन उलटाऊन दिला से मान्तर आमी हुनमन के हुकुम नी देऊ रलु।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

1तीमुथियुस 5:8

मान्तर अगर कोनी आपनमन चो आउर निज करून आपलो घरलोगमन चो चिन्ता नी करे, तो हुन बिश्वास ले मुकरून गेलो से आउर अन्दबिश्वासी ले बले खराप बनुन गेलो से।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

2 तीमुथियुस 3:6

ऐ मन थानले हुन लोगमन आत जोन घरमन ने खुसराय ओलुन ऐऊ आत, आउर हुन कमजोर बायले लेकीमन के बस ने करू आत जोन पापमन ले दबलोर आउर हर परकार चो इच्छामन चो बस ने आसोत,

1 पतरस 2:16

आपन खुद के छुटछाड़ा जाना, मान्तर आपलो ये छुटछाड़ा के बुराई चो काजे आड़ नी बनाआ; मान्तर आपन खुद के माहापुरू चो दास समजुन भाती चला।

1 पतरस 2:8

आउर, “ठेच लगतोर पकना आउर ठोकरना खातोर चटान होऊन गेली से,” कसनबल्लोने हुनमन तो बचन के नी मानुन भाती ठोकरना खाऊ आत आउर ऐईकाजे हुनमन ठेबाया बले जाऊ रवत।

1 पतरस 4:18

आउर “अगर धरमी माने ची मशकिल ले मुक्ति पाये दे, तेबे भक्तिहीन आउर पापी चो काय ठिकाना?”

2 पतरस 2:10

खास करून हुनमन के जोन अशुद्ध मनमानीमन चो पाट-पाट देंह चो अनुसार चलु आत आउर परभुता के तुच्छ जानु आत। हुनमन नीलज, आउर कुअढ़ आत, आउर बड़े पन बितामन के अच्छा खराप बोलतो ले नी डरोत,

2 पतरस 2:7

आउर धरमी लूत के जोन अधरमीमन चो अशुद्ध चाल-चलन ले खुबे दुखी रये छुटकारा दिलो।

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।

1यूहन्ना 2:22

फंदी कोन आय? मात्र हुन जोन ईशु के मसीह होतोर ले इन्कार करू आय; आउर मसीह चो बिरोधी हुनी आय, जोन बुआ चो आउर बेटा चो इन्कार करू आय।

यहूदा 1:15

कि सपाय चो नियाय करो, आउर सपाय भक्तिहीनमन चो हुनमन चो अभक्ति चो सपाय काममन चो बारे ने जोन हुनमन भक्तिहीन होऊन भाती करला से, आउर हुन सपाय कठोर गोठमन चो बारे ने जोन भक्तिहीन पापीमन हुनचो बिरूद ने बल्ला से, दोषी ठेबाओ।

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”