यहूदा 1:3 - Halbi

³ हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।

परमेस्वर को सच्चो वचन ख जाननू

³ हे प्यारो दोस्त, जब मी तो ख उ उध्दार को बारे म लिखन म अत्यन्त परिसरम सो प्रयत्न कर रहे थो जे म हम न हम सब सहभागी हैं, मी ओको बारे म बडी खुसी को संग तुम इंसान हुन ख लिखन की सोचू हैं जरुरी जानो कि उ भरोसा को लाने पुरो यत्न करो जे परमेस्वर ने सुध्द अदमी को एक ही बार सोपियो गयो थो।

यहूदा 1:3 ပူးပေါင်းရင်းမြစ်များ

प्रेरितो 17:3

आउर हुनमन चो मतलब खोलुन-खोलुन समजाते रलो कि मसीह के दुख उठातोर, आउर मरलो बितामन थानले जीव उठतोर, जरूरी रये; आउर “ऐई ईशु जेचो मय तुमके कथा सुनाय से, मसीह आय।”

प्रेरितो 18:28

कसनबल्लोने हुन पवितर शास्त्र ले सबुत देऊन-देऊन भाती कि ईशु ची मसीह आय, बड़े हिम्मत ले यहूदीमन के सपाय चो पुरे बेजबाप करते रलो।

प्रेरितो 20:27

कसनबल्लोने मय माहापुरू चो सपाय कोशिश के तुमके पुरा ढंग ले सांगतोर ने नी झिझक लें।

प्रेरितो 28:28

“आउर तुमी जाना कि माहापुरू चो ऐ मुक्ति चो कथा दुसर जातिमन चो लगे पटाया गेली से, आउर हुनमन सुन दे।”

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

प्रेरितो 9:13

हनन्या जबाप दिलो, हे परबु, मय ऐ माने चो बारे ने खुबेमन ले सुनले से कि ऐ यरूशलेम ने तुचो पवितर लोगमन चो संगे बड़े-बड़े खरापमन करलो से;

प्रेरितो 9:22

मान्तर शाऊल आउर बले सामरती होते गेलो, आउर ऐ गोठ चो सबुत देऊन-देऊन भाती कि मसीह ऐई आय, दमिश्क चो रतो बितामन यहूदीमन चो मुंह बंद करते रलो।

1 कुरिन्थियो 15:3

ऐई लागुन मय सपाय ले पयले तुमके हुनी गोठ अमराऊन दिले, जोन मोके अमरू रली कि पवितर शास्त्र चो बचन चो अनुसार ईशु मसीह आमचो पापमन काजे मरून गेलो,

गलातियो 2:5

गोटक घड़ी भर हुनमन चो अधीन होतोर आमी नी मानलु, ऐईकाजे कि नगतखबर चो सत तुमनमन ने बनु रओ।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

गलातियो 6:11

दका, मय कसन बड़े-बड़े अखरमन ने तुमके आपलो हाथ ले लिकले से।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

फिलिप्पियो 1:1

मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

कुलुस्सियो 1:2

मसीह ने हुन पवितर आउर बिश्वासी भाईमन चो नाव जोन कुलुस्से ने रऊ आत। आमचो बुआ माहापुरू चो बाटले तुमके अनुग्रह आउर शान्ति मिरते रओ।

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

1तीमुथियुस 1:18

हे बेटा तीमुथियुस, हुन अगम गोठमन चो अनुसार जोन पयले तुचो बारे ने कराय जाऊ रली, मय ऐ हुकुम सोपें सें कि तुय हुनमन चो अनुसार अच्छा लड़ीई के लड़ते रा,

1तीमुथियुस 6:12

बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

2 तीमुथियुस 1:13

जोन खर गोठमन तुय मोचो ले सुनली सीस हुनके हुन बिश्वास आउर मया चो संगे, जोन मसीह ईशु ने आसे, आपलो नमूना बनान भाती संगाव।

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

इब्रानियो 13:22

हे भाईमन, मय तुमचो ले बिनती करेंसे कि ऐ उपदेश चो गोठमन के साहा, कसनबल्लोने मय तुमके खुबे नगत ले लिकले से।

इब्रानियो 6:9

मान्तर हे लाड़रामन, अगर आमी ऐ गोठमन बोलु आंव तेबले बले तुमचो बारे ने आमी ऐचो ले अच्छा आउर मुक्ति बिती गोठमन चो भरसा करूं आंव।

1 पतरस 5:12

मय सिलवानुस चो होते, जेके मय बिश्वास लायक भाई समजु आय कम ने लिकुन भाती तुमके समजाले से, आउर ऐ गोहई दिले से कि माहापुरू चो सत अनुग्रह ऐई आय, ऐई थाने थीर राहा।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

2 पतरस 2:21

कसनबल्लोने धरम चो बाट के नी जानतोर ची हुनमन काजे ऐचो ले अच्छा होती कि हुनके जानुन भाती, हुन पवितर हुकुम ले फिरून जाता जोन हुनमन के सोपा जाऊ रली।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

यहूदा 1:17

मान्तर हे लाडरामन, तुमी हुन गोठमन के सुरता संगाहा जोन आमचो परबु ईशु मसीह चो पठालोबितामन पयले ची बोलुन चुकला से।

यहूदा 1:20

मान्तर हे लाडरामन, तुमी आपलो खुबे पवितर बिश्वास ने उन्नती करते-करते आउर पवितर आत्मा ने पारथना करते-करते,

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”