यहूदा 1:1 - Halbi

¹ यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

परमेस्वर को सच्चो वचन ख जाननू

¹ यहूदा की ओर से जे यीसु मसी को दास अर याकूब को भई हैं, न बुलायो हुआ को नाम जे परमेस्वर बाप म प्यारो अर यीसु मसी को लाने वेव्सतीत हैं।

यहूदा 1:1 ပူးပေါင်းရင်းမြစ်များ

मत्ती 10:3

फिलिप्पुस, आउर बरतुल्मय, थोमा, आउर कर धरू बिता मत्ती, हलफई चो बेटा याकूब, आउर तदय,

मत्ती 13:55

काय ऐ बड़ई चो बेटा नुआय? आउर काय ऐचो आया चो नाव मरियम आउर ऐचो भाईमन चो नाव याकूब, यूसुफ, शिमोन आउर यहूदा नुआय?

मरकुस 3:18

आउर अन्द्रियास, आउर फिलिप्पुस, आउर बरतुल्मय, आउर मत्ती, आउर थोमा, आउर हलफई चो बेटा याकूब, आउर तदय, आउर शिमोन कनानी,

मरकुस 6:3

काय ऐ हुनी बड़ई नुआय, जोन मरियम चो बेटा, आउर याकूब, योसेस, यहूदा, आउर शिमोन चो भाई आय? काय हुनचो भईनमन ऐथा आमचो मंजी ने नी रऊ आत?” ऐईकाजे हुनमन हुनचो बारे ने ठोकरना खादला।

लूका 6:16

आउर याकूब चो बेटा यहूदा, आउर यहूदा इस्करियोती जोन हुनचो धरातो बिता बनलो।

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

यूहन्ना 14:22

हुन यहूदा जोन इस्करियोती नी रये, हुनचो ले बल्लो, “हे परबु, काय होली कि तुय आपन खुद के आमचो थाने उजागर करूक मन कर सीस आउर संवसार थाने नाई?”

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 17:15

मय ऐ गुहार नी करे कि तुय हुनमन के जगत थानले उठाऊन ने; मान्तर ऐ कि तुय हुनमन के हुन दुष्ट ले बचाऊन संगाव।

यूहन्ना 17:17

सत चो दुआरा हुनमन के पवितर कर: तुचो बचन सत आय।

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

यूहन्ना 6:39

आउर मोके पठालो बिता चो इच्छा ऐई आय कि जोन काई हुन मोके दिलो से, हुन थानले मय काई नी हजायें, मान्तर हुनके आखरी दिने फेर जीव उठायें।

प्रेरितो 1:13

जिदलदाय हुनमन हुता अमरला तेबे हुन अटारी उपरे गेला, जोन थाने पतरस आउर यूहन्ना आउर याकूब आउर अन्द्रियास आउर फिलिप्पुस आउर थोमा आउर बरतुल्मय आउर मत्ती आउर हलफई चो बेटा याकूब आउर शिमोन जेलोतेस आउर याकूब चो बेटा यहूदा रते रवत।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 27:23

कसनबल्लोने माहापुरू जेचो मय आंय, आउर जेचो सेवा करू आंय, हुनचो सरग दूतमन आजी राती मोचो लगे ऐऊन भाती बल्ला,

रोमियो 1:1

पौलुस चो बाटले जोन ईशु मसीह चो दास आय, आउर पठालोबिता होतो काजे हाग दिया गेलो, आउर माहापुरू चो हुन नगतखबर काजे अलग करा गेलो से

रोमियो 1:6

जोनमन थानले तुमी बले ईशु मसीह चो होतो काजे हाग दिया गेला साहास।

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

रोमियो 6:22

मान्तर अदायं पाप ले छुटछाड़ाय होऊन भाती आउर माहापुरू चो दास बनुन भाती तुमके फल मिरली जेचो ले पवितरता परापत होऊ आय, आउर हुनमन चो आखरी अमर जीवना आय।

रोमियो 8:30

फेर जोनमन के हुन पयले ले ठेबालो, हुनमन के हाग दिलो बले; आउर जोनमन के हाग दिलो, हुनमन के धरमी बले ठेबालो; आउर जोनमन के धरमी ठेबालो, हुनमन के महिमा बले दिलो से।

रोमियो 9:24

बल्लोने आमचो उपरे जोनमन के हुन ना मात्र यहूदीमन थानले, मान्तर दुसर जातिमन थानले बले हाग दिलो।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

2 तीमुथियुस 4:18

आउर परबु मोके हरकोनी खराप काम ले बचाए दे, आउर आपलो सरग राज ने अच्छा ले अमराय दे। हुनचेई महिमा जुग-जुग होते रओ। आमीन।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

यहूदा 1:21

आपन खुद के माहापुरू चो मया ने बनान संगाहा; आउर अमर जीवना चो काजे आमचो परबु ईशु मसीह चो दया चो बाट टाकते राहा।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।