यूहन्ना 9:39 - Halbi

³⁹ तेबे ईशु बल्लो, “मय ऐ जगत ने नियाय करतो काजे ईले से, बल्ले जोनमन नी दकोत हुनमन दकोत, आउर जोनमन दके सोत हुनमन काना होऊन जाओत।”

परमेस्वर को सच्चो वचन ख जाननू

³⁹ तब यीसु न कय्हो, “मी या दुनिया म न्याय को लाने आयो हैं, ताकि जो नी देखा वी देखे, अऊर जो देखा हैं वी अंधा हो जाय”

यूहन्ना 9:39 ပူးပေါင်းရင်းမြစ်များ

मत्ती 11:5

कि काना दक सोत आउर खोड़ीयामन हिन्डे सोत बुलसोत, कोढ़ी शुद्ध करा जासोत आउर भयरामन सुन सोत, मुरदा जिआया जासोत, आउर कंगालमन के नगतखबर सुनाया जायसे।

मत्ती 15:14

हुनमन के जाऊक दिआस; हुनमन काना बाट दकाऊ आत आउर काना अगर काना के बाट दकाओ, तेबे दुनो खोदरा ने घसरुन पड़दे।”

मत्ती 6:23

मान्तर अगर तुचो आँईक घिन-घिना रयदे, तेबे तुचो पूईतराय देंह बले अंधार होये दे; ऐई कारन हुन उजर जोन तुचो थाने आसे अगर अंधार होयदे तेबे हुन अंधार भारी बड़े होयदे!

लूका 1:79

कि अंधार आउर मरना चो छांय ने बसतो बितामन के उजर देओ, आउर आमचो पाँयमन के अच्छा बाट ने सीदा चला ओ।”

लूका 13:30

आउर दका, कितलो पाटकुती चो आत हुनमन पुरे हो दे, आउर कितलो जोन पुरे आसोत, हुनमन पाटकुती हो दे।”

लूका 2:34

तेबे शिमोन हुनमन के आशीष देऊन भाती, हुनचो आया मरियम ले बल्लो, “दक, हुन तो इस्राएल ने खुबेमन चो घसरतोर, आउर उठतोर काजे, आउर गोटक असन चिना होतो काजे ठेबाय गेलो से, जेचो बिरूद ने गोठमन कर दे

लूका 4:18

“परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

लूका 7:21

हुनी समया हुन खुबे असन ची बेमारमन आउर दुखमन, आउर दुष्टआत्मामन ले दूर करलो आउर खुबे असन कानामन के आँईक दिलो;

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

यूहन्ना 12:46

मय जगत ने उजर होऊन भाती ईले से बल्ले जोन कोनी मोचो उपरे बिश्वास करदे हुन अंधार ने नी रओ।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 3:19

आउर डण्ड चो हुकुम चो कारन ऐ आय कि उजर जगत ने ईली से, आउर मानेमन अंधार के उजर ले खुबे लाड़ जानला कसनबल्लोने हुनमन चो काम खराप रये।

यूहन्ना 8:12

ईशु फेर लोगमन ले बल्लो, “जगत चो उजर मय आंय; जोन मोचो पाटे होये दे हुन अंधार ने नी चले दे मान्तर जीवना चो उजर पाये दे।”

यूहन्ना 8:15

तुमी देंह चो अनुसार नियाय करू आहास; मय काचीई नियाय नी करे।

यूहन्ना 9:25

हुन जबाप दिलो, “मय नी जाने कि हुन पापी आय कि नाई; मय गोटक गोठ जाने कि मय काना रले आउर अदायं दकें सें।”

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

2 कुरिन्थियो 2:16

कितलो चो काजे तो मरना चो कारन मरना गंद, आउर कितलो चो काजे जीव चो कारन जीव चो बास। अच्छा ऐ गोठमन चो लायक कोन आय?

इफिसीयो 5:14

ऐईकाजे हुन बलेंसें, “हे सोहतो बितामन, चेत आउर मरलो थानले जीव उठ; तेबे मसीह चो उजर तुचो उपरे चमके दे।”

2 थिस्सलुनीकियो 2:10

आउर नाश होतो बितामन चो काजे अधरम चो सपाय परकार चो धोका चो संगे होयेदे; कसनबल्लोने हुनमन सत ले मया नी करला जेचो ले हुनमन चो मुक्ति होती।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1यूहन्ना 2:11

मान्तर जोन कोनी आपलो भाई ले बईर संगाऊ आय हुन अंधार ने आसे आउर अंधार ने चलु आय, आउर नी जाने कि काहां जाये से, कसनबल्लोने अंधार हुनचो आँईक आन्दा करून दिली से।