यूहन्ना 9:34 - Halbi

³⁴ हुनमन हुनके जबाप दिला, “तुय तो बिलकुल पापमन ने जनमली सीस, तुय आमके काय सिकाय सीस?” आउर हुनमन हुनके बाहरे निकराऊन दिला।

परमेस्वर को सच्चो वचन ख जाननू

³⁴ उनना ओसे बोल्यो, “तू तो बिलकुम पाप से पैदा भयो हैं, तू हमका का सिखावा हैं?” अऊर उनना ओखा बहार निकाल दियो।

यूहन्ना 9:34 ပူးပေါင်းရင်းမြစ်များ

लूका 11:45

तेबे गोटक नियमकारी हुनके जबाप दिलो, “हे गुरू, ऐ गोठमन चो बल्लो ले तुय आमचो निन्दा कर सीस।”

लूका 14:11

कसनबल्लोने जोन कोनी खुद के बड़े बनाये दे, हुन नानी करा जाये दे; आउर जोन कोनी खुद के नानी बनाये दे, हुन बड़े करा जाये दे।”

लूका 18:17

मय तुमचो ले सते बलेंसें कि जोन कोनी माहापुरू चो राज के लेका चो असन गरहन नी करे हुन-हुन थाने केबीई ओलुक नी सके।”

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

यूहन्ना 8:41

तुमी आपलो बुआ चो असन काम करू आहास।” हुनमन हुनचो ले बल्ला, “आमी बेबीचार ले नी जनमलु, आमचो गोटक बुआ आसे बल्लोने माहापुरू।”

यूहन्ना 9:2

हुनचो चेलामन हुनचो ले पचारला, “हे रब्बी, कोन पाप करू रये कि ऐ काना जनम लो, ऐ माने नाहले ऐचो आया-बुआमन?”

यूहन्ना 9:22

ऐ गोठमन हुनचो आया-बुआ ऐईकाजे बल्ला कसनबल्लोने हुनमन यहूदीमन ले डरते रवत, कसनबल्लोने यहूदी गोटक मत होऊन चुकुन रवत, कि अगर कोनी बोल दे कि हुन मसीह आय, तो आराधना घर ले निकराया जाओ।

यूहन्ना 9:35

ईशु सुनलो कि हुनमन हुनके बाहरे निकराऊन दिला, आउर जिदलदाय हुनचो ले भेट होली तेबे बल्लो, “काय तुय माहापुरू चो बेटा उपरे बिश्वास करी सीस?”

यूहन्ना 9:40

जोन फरीसी हुनचो संगे रवत हुनमन ऐ गोठमन सुनुन भाती हुनचो ले बल्ला, “काय आमी बले काना आंव?”

1 कुरिन्थियो 5:13

मान्तर बाहार बितामन चो नियाय माहापुरू करू आय। ऐईकाजे हुन कुकरमी के आपलो मंजी ले निकराऊन दिआस।

गलातियो 2:15

आमी तो जनम ले यहूदी आव, आउर पापी दुसर जातिमन ले नाई।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

1 पतरस 5:5

असने परकार हे जुआनमन, तुमी बले सियानमन चो आधीन राहा, मान्तर तुमी सपाय चो सपाय गोटक दुसर चो सेवा चो काजे दिनता ले करांड बान्दुन राहा, कसनबल्लोने “माहापुरू मनमानीमन चो बिरूद करू आय मान्तर सोजमन उपरे अनुग्रह करू आय।”

3 यूहन्ना 1:10

ऐईकाजे जिदलदाय मय ऐयें दें तेबे हुनचो काममन चो बाटे जोन हुन करे से, सुरता करायें दें, कि हुन आमचो बारे ने घिन-घिना गोठमन बकरू आय; आउर ऐ थाने बले संतुष्ट नी करून खुद ची भाईमन के गरहन नी करे, आउर हुनमन के जोन गरहन करूक चाहाय सोत मना करू आय आउर कलीसिया ले निकराऊन देऊ आय।

3 यूहन्ना 1:9

मय कलीसिया के काई लिकु रलें, मान्तर दियुत्रिफेस जोन हुनमन थाने बड़े बनुक चाहायें से, आमके गरहन नी करे।

प्रकाशितवाक्य 13:17

कि हुनके छांडुन जोन थाने छाप बल्लोने हुन पशु चो नाव नाहले हुनचो नाव चो नम्बर होओ, दुसर कोनी लेन-देन नी करूक सकोत।