यूहन्ना 8:47 - Halbi

⁴⁷ जोन माहापुरू ले होऊ आय, हुन माहापुरू चो गोठमन सुनु आय; आउर तुमी ऐईकाजे नी सुनास कि माहापुरू चो बाटले नुआहास।”

परमेस्वर को सच्चो वचन ख जाननू

⁴⁷ जो परमेस्वर को हैं, उ परमेस्वर को वचन सुना हैं।; तुम इंसान एकोलाने नी सुना हैं कि तुम परमेस्वर ख नी आय।”

यूहन्ना 8:47 ပူးပေါင်းရင်းမြစ်များ

यूहन्ना 12:48

जोन मोके तुच्छ जानु आय आउर मोचो गोठमन गरहन नी करे से हुनके दोषी ठेबातो बिता तो गोटक आसे: बल्लोने जोन बचन मय बल्ले से, हुनी पाचे चो दिन ने हुनके दोषी ठेबायदे।

यूहन्ना 18:37

पिलातुस हुनचो ले बल्लो, “तो काय तुय राजा आस?” ईशु जबाप दिलो, “तुय बोल सीस कि मय राजा आंय। मय ऐईकाजे जनम धरले आउर ऐईकाजे जगत ने ईले से कि सत चो गोहई देयें दें। जोन कोनी सत चो आत, हुन मोचो शब्द सुनु आय।”

यूहन्ना 5:25

“मय तुमचो ले सत-सत बलें सें हुन समया ऐये से, आउर ऐबे आसे, जोन थाने मरलो लोग माहापुरू चो बेटा चो शब्द सुन दे, आउर जोन सुन दे हुनमन जीव दे।

यूहन्ना 6:65

आउर हुन बल्लो, “ऐईकाजे मय तुमचो ले बोलुन रले कि जिदलदाय ले काकीई बुआ चो बाटले ये बर नी दिया जाए तेबे तक हुन मोचो लगे नी ऐऊक सके।”

यूहन्ना 8:37

मय जाने से कि तुमी अब्राहाम चो बंश ले आहास; तेबले बले मोचो बचन तुमचो मन ने जगा नी पाए, ऐईकाजे तुमी मोके मारून देतोर चाहाय साहास।

यूहन्ना 8:43

तुमी मोचो गोठ केंव नी समजास? ऐईकाजे कि तुमी मोचो बचन सुनुक नी सकास।

यूहन्ना 8:45

मान्तर मय जोन सत बोलु आय, ऐईकाजे तुमी मोचो बिश्वास नी करास।

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।

3 यूहन्ना 1:11

हे लाड़रा, खराप चो नाई मान्तर भलाई चो करतो बिता हो। जोन भलाई करू आय, हुन माहापुरू चो बाटले आय; मान्तर जोन खराप करू आय, हुन माहापुरू के नी दकलो।