यूहन्ना 8:44 - Halbi

⁴⁴ तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

परमेस्वर को सच्चो वचन ख जाननू

⁴⁴ तुम तो अपनो बाप सैतान से आय अऊर अपनो बाप की इच्छा का पुरी करन कि सोचा हैं। उ तो सुरू से ही हत्यारो हैं उ सच्चई पर खड़ो नी रह सका, काहेकि ओमन इमानदारी तो हइच नी हाय। जब उ झुठ बोला हैं, ते अपनो स्वभाव ही से बोला हैं; काहेकि उ झूठो हैं अऊर झूठ को बाप हैं।

यूहन्ना 8:44 ပူးပေါင်းရင်းမြစ်များ

मत्ती 12:34

हे सांप चो पिलामन, तुमी खराप होऊन भाती कसन अच्छा गोठमन बोलुक सकास? कसनबल्लोने जोन मन ने भरली से, हुनी मुंह थाने ऐऊ आय।

मत्ती 13:15

“कसनबल्लोने ऐ लोगमन चो मन ठोसर होऊन गेली से, आउर हुनमन कानमन ले ऊँचा सुनु आत आउर हुनमन आपलो आँईकमन के लिमटला से; काहांय असन नी होओ कि हुनमन आँईकमन ले दकोत, आउर कानमन ले सुनोत आउर मन ले समजोत, आउर फिरून जाओत आउर मय हुनमन के चेंगा करें।”

मत्ती 13:38

बेड़ा जगत आय, “अच्छा बीज राज चो पिला आय, आउर रान बीज दुष्ट चो पिलामन आत।

यूहन्ना 6:70

ईशु हुनमन के जबाप दिलो, “काय मय तुमी बारा झन के नी चुनले? तेबले बले तुमनमन ले गोटक माने शयतान आय।”

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

यूहन्ना 8:38

मय हुनी बलें सें, जोन आपलो बुआ चो थाने दकले से; आउर तुमी हुनी करते रऊ आहास जोन तुमी आपलो बुआ ले सुनलासास।”

यूहन्ना 8:41

तुमी आपलो बुआ चो असन काम करू आहास।” हुनमन हुनचो ले बल्ला, “आमी बेबीचार ले नी जनमलु, आमचो गोटक बुआ आसे बल्लोने माहापुरू।”

यूहन्ना 8:55

तुमी तो हुनके नी जानलास: मान्तर मय हुनके जाने; अगर मय बलें दें कि मय हुनके नी जाने, तेबे मय तुमचो असन फंदी ठेबेंदे: मान्तर मय हुनके जाने, आउर हुनचो बचन थाने चलु आंय।

प्रेरितो 13:10

“हे सपाय कपट आउर सपाय चलाक ले भरलो शयतान चो पिला, थोमना धरम चो बयरी, काय तुय परबु चो सीदा बाटमन के टेड़ा करूक नी छांडीस?”

प्रेरितो 24:9

यहूदीमन बले हुनचो सात देऊन भाती बल्ला, ऐ गोठमन असने ची परकार चो आय।

प्रेरितो 5:3

पतरस बल्लो, “हे हनन्या! शयतान तुचो मन ने ऐ गोठ केंव डाल्लो कि तुय पवितर आत्मा ले झूठ बोल, आउर भुईं चो दाम थानले खिन्डिक गुचाऊन संगाव?”

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

2 पतरस 2:4

कसनबल्लोने जिदलदाय माहापुरू हुन सरग दूतमन के जोनमन पाप करला नी छांडलो, मान्तर नरक ने पटाऊन भाती अन्धार कुण्डमन ने डालुन दिलो बल्ले नियाय चो दिन तक बन्दी रवत;

1यूहन्ना 1:8

मान्तर आमी बोलुन्दे कि आमचो थाने काई बले पाप निआय, तेबे आपन खुद के धोका देऊ से, आउर आमचो ने सत निआय।

1यूहन्ना 2:21

मय तुमके ऐईकाजे नी लिकले कि तुमी सत के नी जानास, मान्तर ऐईकाजे कि हुनके जानास, आउर ऐईकाजे कि कोनी फंद, सत चो बाटले नुआय।

1यूहन्ना 2:4

जोन कोनी ऐ बोलु आय, “मय हुनके जानले से,” आउर हुनचो हुकुममन के नी माने, हुन फंदी आय आउर हुनचो ने सत निआय;

1यूहन्ना 3:12

आउर कैन चो असन नी बना जोन हुन दुष्ट ले रलो, आउर जोन आपलो भाई के घात करलो। आउर हुनके काय लागुन घात करलो? ऐई लागुन कि हुनचो काम खराप रये, आउर हुनचो भाई चो काम धरम चो रये।

1यूहन्ना 3:15

जोन कोनी आपलो भाई ले बईर संगाऊ आय, हुन हत्यारा आय; आउर तुमी जानेसास कि कोनी हत्यारा ने अमर जीवना नी रये।

यहूदा 1:6

फेर जोन सरग दूतमन आपलो पन के गोटक जगा ने थीर नी संगाला मान्तर आपलो खुद चो जगा के छांडुन दिला, हुन हुनमन के बले हुन भयंकर दिन चो नियाय चो काजे अंधार ने, जोन जुग-जुग चो काजे आय, बान्दनमन ने संगालो से।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।

प्रकाशितवाक्य 9:11

अन्दकुप खोदरा चो दूत हुनमन थाने राजा रलो; हुनचो नाव इब्रानी ने अबदोन, आउर यूनानी ने अपुल्लयोन आय।