यूहन्ना 8:29 - Halbi

²⁹ मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।”

परमेस्वर को सच्चो वचन ख जाननू

²⁹ जेना मोखा भेज्यो हैं, उ मोरो संग म हैं ओ ना मोखा अकेलो नी छोड़यो; काहेकि मी हमेसा उई करू हैं, जो ओखा अच्छो लगा हैं।”

यूहन्ना 8:29 ပူးပေါင်းရင်းမြစ်များ

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 3:15

ईशु हुनके ऐ जबाप दिलो, “ऐबे तो असने ची होऊक देस, कसनबल्लोने आमके ऐई रीति ले सपाय धरमकरम के पुरा करतोर नगत आय।” तेबे हुन हुनचो गोठ के मानलो।

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

यूहन्ना 14:31

मान्तर ऐ ऐईकाजे हऊ आय कि संवसार जानो कि मय बुआ ले मया संगाऊ आंय, आउर जसन बुआ मोके हुकुम दिलो मय असने ची करू आंय। उठा, ऐथा ले जो।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 16:32

दका, हुन समया ऐये से मान्तर ऐऊन पोंचली से कि तुमी सपाय जत-खत होऊन भाती आपलो-आपलो बाट धरा से, आउर मोके ऐकला छांडुन दियासे; तेबले बले मय ऐकला नाई कसनबल्लोने बुआ मोचो संगे आसे।

यूहन्ना 17:4

जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से।

यूहन्ना 4:34

ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

यूहन्ना 5:30

“मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 8:16

आउर अगर मय नियाय करें दें बले, तो मोचो नियाय सत आय; कसनबल्लोने मय ऐकला नाई, मान्तर मय आंय, आउर बुआ आय जोन मोके पठालो।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

2 तीमुथियुस 4:22

परबु तुचो आत्मा चो संगे रओ। तुमचो उपरे अनुग्रह होते रओ।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

1यूहन्ना 2:1

हे मोचो लेकामन, मय ऐ गोठमन तुमके ऐईकाजे लिकें से कि तुमी पाप नी करा; आउर अगर कोनी पाप कर दे, तेबे बुआ चो लगे आमचो गोटक सायता करू आसे, बल्लोने धरमी ईशु मसीह;

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।