यूहन्ना 8:28 - Halbi

²⁸ तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें।

परमेस्वर को सच्चो वचन ख जाननू

²⁸ एकोलाने यीसु न कय्हो, “जब तुम इंसान को पोरिया ख ऊँचो पर चढ़ायगो, ते तब यु जान जाहे कि ‘मी उईच आय’ अऊर मी अपनी ओर से कुछ नी कर सकू। पर मी जो कुछ कहूँ हैं वसो ही करूँ हैं जसो परमेस्वर बाप न मोखा सिकायो हैं।

यूहन्ना 8:28 ပူးပေါင်းရင်းမြစ်များ

मत्ती 24:5

कसनबल्लोने खुबे असन असन हो दे जोन मोचो नाव ले ऐऊन भाती बल दे, ‘मय मसीह आंय’, आउर खुबे के भरमादे।

मरकुस 13:6

खुबे लोग मोचो नाव ले ऐऊन भाती बोल दे, ‘मय हुनी आय!’ आउर खुबे लोगमन के भरमादे।

लूका 21:8

हुन बल्लो, “तिआर राहा कि भरमाया नी जाआ, कसनबल्लोने खुबे असन मोचो नाव ले ऐऊन भाती बोल दे, ‘मय हुनी आंय,’ आउर ऐ बले कि, ‘समया लगे अमरली से।’ तुमी हुनमन चो पाट-पाट नी जाआ।

यूहन्ना 11:42

मय जानते रले कि तुय हरमेशा मोचो सुनु आस, मान्तर जोन भीड़ लगे-लगे उबा आसे, हुनचो लागुन मय ऐ बल्ले, जेचो ले कि हुनमन बिश्वास करोत कि तुय मोके पठाली सीस।”

यूहन्ना 13:19

अदायं मय हुनचो होतोर ले पयले तुमके जनाऊन देंयें से कि जिदलदाय ऐ होऊन जाये दे तेबे तुमी बिश्वास करा कि मय हुनी आंय।

यूहन्ना 16:10

आउर धारमिकता चो बारे ने ऐईकाजे कि मय बुआ चो लगे जायें से, आउर तुमी मोके फेर नी दका से;

यूहन्ना 18:32

ऐ ऐईकाजे होली कि ईशु चो हुन गोठ पुरा होओ जोन हुन ऐ ईसारा देते-देते बोलु रये कि हुनचो मरना कसन होये दे।

यूहन्ना 19:18

हुन थाने हुनमन हुनके आउर हुनचो संगे आउर दुय झान मानेमन के कुरूस थाने चेगाला, गोटक के ऐ पाट आउर गोटक के हुनपाट, आउर मंजारे ईशु के।

यूहन्ना 3:11

मय तुचो ले सत-सत बलें सें कि आमी जोन जानु आंव हुन बोलु आंव, आउर जोन के आमी दकलु से हुनचो गोहई देऊ आंव, आउर तुमी आमचो गोहई गरहन नी करास।

यूहन्ना 3:14

आउर जोन रीति ले मूसा रान थानले सांप के डेंगे चेगालो, हुनी रीति ले जरूरी आय कि माने चो बेटा बले डेंग थाने चेगाया जाओ;

यूहन्ना 4:26

ईशु हुनचो ले बल्लो, “मय जोन तुचो ले बलें सें, हुनी आंय।”

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 5:30

“मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 8:24

ऐईकाजे मय तुमचो ले बल्ले कि तुमी आपलो पापमन ने मरा से, कसनबल्लोने अगर तुमी बिश्वास नी करा से कि मय हुनी आंय तेबे आपलो पापमन ने मरा से।”

यूहन्ना 8:27

हुनमन ऐ नी समजोत कि आमचो ले बुआ चो बारे ने बले से।

यूहन्ना 8:58

ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।”

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 4:4

मान्तर बचन चो सुनतो बितामन थानले खुबेमन बिश्वास करला, आउर हुनमन चो गेनती पांच हजार मानेमन चो लगे-लगे होऊन गेली।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।