यूहन्ना 8:19 - Halbi

¹⁹ हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।”

परमेस्वर को सच्चो वचन ख जाननू

¹⁹ उनना ओसे कहयो, “तोरो बाप किते हैं?” यीसु न जवाब दियो, “न तुम मोखा जाना हैं।” “न मोरो बाप का, अदि मोखा जानता ते मोरो बाप का भी जानता।”

यूहन्ना 8:19 ပူးပေါင်းရင်းမြစ်များ

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

यूहन्ना 1:10

हुन जगत ने रये, आउर जगत हुनचो बाटले उपजास होली, आउर जगत हुनके नी चिताली।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 15:21

मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।

यूहन्ना 16:3

असन हुनमन ऐईकाजे कर दे कि हुनमन ना बुआ के जानला से आउर ना मोके जानोत।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 7:28

तेबे ईशु मंदिर ने उपदेश देते-देते हाग देऊन भाती बल्लो, “तुमी मोके जानास, आउर ऐ बले जानास कि मय काहां चो आंय। मय तो खुद ले नी ईले, मान्तर मोचो पटाऊ बिता सते आय, हुनके तुमी नी जानास।

1 कुरिन्थियो 15:34

धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।

गलातियो 4:9

मान्तर अदायं जोन तुमीमन माहापुरू के चितालास मान्तर माहापुरू तुमके चितालो, तेबे हुन कमजोर आउर ठग मुर सिक्या चो गोठमन चो बाटे केंव फिरेसास, जेचो तुमी दुबारा दास होऊक चाहायसास?

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 1:15

बेटा तो नी दका देतो माहापुरू चो सवरूप आउर पुईतराय बरमाण्ड ने पयलवात आय।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

1यूहन्ना 2:23

जोन कोनी बेटा चो इन्कार करू आय हुनचो लगे बुआ बले निआय: जोन बेटा के मानु आय, हुनचो लगे बुआ बले आसे।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।