यूहन्ना 8:14 - Halbi

¹⁴ ईशु हुनमन के जबाप दिलो, “अच्छा मय ची आपलो गोहई खुद देऊ आय, फेर बले मोचो गोहई नगत आय, कसनबल्लोने मय जाने से कि मय काहां ले ईले से आउर काहां जाऊ आंय? मान्तर तुमी नी जानास कि मय काहां ले ऐयें सें नाहले काहां जाऊ आंय।

परमेस्वर को सच्चो वचन ख जाननू

¹⁴ यीसु न उनका जुवाब दियो, “तू खुदकी गवाई खुद दे हैं, तोरी गवाई सच्ची नी हाय।”

यूहन्ना 8:14 ပူးပေါင်းရင်းမြစ်များ

यूहन्ना 10:15

जसन बुआ मोके जानु आय आउर मय बुआ के जानु आय--आउर मय मेंडामन चो काजे आपलो जीव के देऊ आय।

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 13:3

ईशु, ऐ जानुन भाती कि बुआ सपाय काई मोचो हाथ ने करून दिलो से आउर मय माहापुरू चो लगे ले ईले से आउर माहापुरू चो लगे जायें दें,

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 16:28

मय बुआ चो बाटले जगत ने ईले से; मय फेर जगत के छांडुन भाती बुआ चो लगे जाऊ आंय।”

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 18:37

पिलातुस हुनचो ले बल्लो, “तो काय तुय राजा आस?” ईशु जबाप दिलो, “तुय बोल सीस कि मय राजा आंय। मय ऐईकाजे जनम धरले आउर ऐईकाजे जगत ने ईले से कि सत चो गोहई देयें दें। जोन कोनी सत चो आत, हुन मोचो शब्द सुनु आय।”

यूहन्ना 5:31

अगर मय खुदे ची आपलो गोहई देयें दें, तेबे मोचो गोहई सत नुआय।

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

2 कुरिन्थियो 11:31

परबु ईशु चो माहापुरू आउर बुआ जोन हरमेशा धन्य आय, जाने से कि मय झूठ नी बलें।

2 कुरिन्थियो 12:11

मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

2 कुरिन्थियो 12:19

तुमी ऐबले समजेसास होती कि आमी तुमचो पुरे जबाप उपरे जबाप देऊँ से। आमी तो माहापुरू के हाजिर जानुन भाती मसीह ने बोलु से, आउर हे लाड़रामन, सपाय गोठमन तुमचो उन्नती चो काजे बोलूं से।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”