यूहन्ना 7:39 - Halbi

³⁹ हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

परमेस्वर को सच्चो वचन ख जाननू

³⁹ यीसु न यू आत्मा को बारे म बोल्यो रहा, जे इंसान हुन ओपर भरोसा करत रहा उनका मिलन वाली हती। उ बखत लक आत्मा उनखा नी दियो गयो रहा, काहेकि यीसु ख महिमा म नी उठायो गयो रहा।

यूहन्ना 7:39 ပူးပေါင်းရင်းမြစ်များ

मत्ती 16:14

हुनमन बल्ला, “खिन्डिक तो यूहन्ना डूबन देतो बिता बोलु आत, आउर खिन्डिक एलिया, आउर खिन्डिक यरमिया नाहले अगम गिआनीमन थानले कोनी गोटक बोलु आत।”

मत्ती 21:11

लोगमन बल्ला, “ऐ गलील चो नासरत चो अगम गिआनी ईशु आय।”

लूका 24:49

आउर दका, जेचो बायदा मोचो बुआ करलो से, मय हुनके तुमचो उपरे उतरायें दें आउर जिदलदाय ले सरग ले सामरत नी पाहास, हुदलदाय ले तुमी ऐई नंगर ने ठेबुन राहा।”

लूका 3:16

तेबे यूहन्ना हुन सपाय चो जबाप ने बल्लो, “मय तो तुमके पानी ले डूबन देयें सें, मान्तर हुन ऐतो बिता आय, जोन मोचो ले शक्ति बिता आय; मय तो ऐ लायक बले नुआय, कि हुनचो पनही चो बांदन निकराऊक सकें, हुन तुमके पवितर आत्मा आउर आईग ले डूबन देये दे।

लूका 7:16

ऐचो ले सपाय के डर चेपाली, आउर हुनमन माहापुरू चो बड़ाई करून बोलुक मुरयाला, “आमचो मंजी ने गोटक बड़े अगम गिआनी उठलो से, आउर माहापुरू आपलो लोगमन उपरे दयाधरम करलो से।”

यूहन्ना 1:21

तेबे हुनमन हुनचो ले पचारला, “तो फेर कोन आस? काय तुय एलिया आस?” हुन बल्लो, “मय नुआय।” “तेबे काय तुय हुन अगम गिआनी आस?” हुन जबाप दिलो, “नाई।”

यूहन्ना 1:25

हुनमन हुनचो ले ऐ सवाल पचारला, “अगर तुय ना मसीह आस, आउर ना एलिया, आउर ना हुन अगम गिआनी आस, तो फेर डूबन केंव देये सीस?”

यूहन्ना 1:33

मय तो हुनके चिता ते नी रले, मान्तर जोन मोके पानी ले डूबन देतो काजे पठालो, हुनी मोचो ले बल्लो, ‘जेचो उपरे तुय आत्मा के उतर ते आउर ठेबते दक से, हुनी पवितर आत्मा ले डूबन देतो बिता आय।’

यूहन्ना 12:16

हुनचो चेला ये गोठमन पयले नी समजुन रवत, मान्तर जिदलदाय ईशु चो महिमा परकट होली तेबे हुनमन के सुरता ईली कि ये गोठमन हुनचो बारे ने लिकलोर रली आउर लोगमन हुनके येई परकार चो बेवहार करू रवत।

यूहन्ना 12:23

ऐ थाने ईशु हुनमन ले बल्लो, “हुन समया ईली से कि माने चो बेटा चो महिमा होओ।

यूहन्ना 14:13

जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ।

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 16:14

हुन मोचो महिमा करे दे, कसनबल्लोने हुन मोचो गोठमन ले धरून भाती तुमके सांगे दे।

यूहन्ना 16:7

तेबले बले मय तुमचो ले सते बलें सें कि मोचो जातोर तुमचो काजे नुकु आय, कसनबल्लोने अगर मय नी जाये तेबे हुन सायता करू तुमचो लगे नी ऐये दे; मान्तर अगर मय जायें दें, तेबे हुनके तुमचो लगे पटायें दें।

यूहन्ना 17:1

ईशु ऐ गोठमन के बल्लो आउर आपलो आँईकमन बादरी चो बाटे उठाऊन भाती बल्लो, “हे बुआ, हुन समया ऐऊन पोंचली से; आपलो बेटा चो महिमा कर कि बेटा बले तुचो महिमा करो,

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

यूहन्ना 20:22

ऐ बोलुन भाती हुन हुनमन चो उपरे फुक लो आउर हुनमन ले बल्लो, “पवितर आत्मा धरा।

यूहन्ना 6:14

तेबे जोन अकचकित काम हुन करून दकालो हुनके हुन लोगमन दकुन भाती बोलुक मुरयाला, “हुन अगम गिआनी जोन जगत ने ऐतो बिता रये बिलकुल ऐई आय।”

यूहन्ना 7:12

आउर लोगमन ने हुनचो बारे ने खुसखुसा खुबे असन गोठमन होली कितलो बोलते रवत, “हुन अच्छा मनुक आय।” आउर कितलो बोलते रवत, “नाई, हुन लोगमन के भरमाऊ आय।”

यूहन्ना 8:54

ईशु जबाप दिलो, “अगर मय खुद आपलो महिमा करें दें, तो मोचो महिमा काई नुआय; मान्तर मोचो महिमा करतो बिता मोचो बुआ आय, जोन के तुमी बोलु आहास कि हुन तुमचो माहापुरू आय।

प्रेरितो 19:2

हुनमन ले बल्लो, “काय तुमी बिश्वास करतो बेरा पवितर आत्मा पावलास?” हुनमन हुनचो ले बल्ला, “आमी तो पवितर आत्मा चो गोठ बले नी सुनलु।”

प्रेरितो 2:17

माहापुरू बोलु आय, कि आखरी दिनमन ने असन होये दे कि मय आपलो आत्मा सपाय माने उपरे रिकायेंदे, आउर तुमचो बेटामन आउर तुमचो बेटीमन अगम गोठ करदे, आउर तुमचो जुआन दरशन दकदे, आउर तुमचो डोकरामन सपना दकदे।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 2:4

हुनमन सपाय पवितर आत्मा ले भरून गेला, आउर जसन परकार आत्मा हुनमन के बोलतोर सामरत दीली, हुनमन दुसर-दुसर भाषा बोलुक मुरयाला।

प्रेरितो 3:13

अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

रोमियो 8:9

मान्तर जिदलदाय कि माहापुरू चो आत्मा तुमीमन ने बसु आय, तेबे तुमी देंह दसा ने नाई मान्तर आत्मिक दसा ने आसास। अगर काचीई ने मसीह चो आत्मा निआय तो हुन हुनचो लोग नुआय।

2 कुरिन्थियो 3:8

तेबे आत्मा चो बायदा आउर बले तेजमय केंव नी होये दे?

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।